खोज

सल्यानमा एक प्राविधिक शिक्षालयले प्रवेश परीक्षामै एक विद्यार्थी संग ६० हजार रुपैयाँ घुस मागेको तथ्य खुलेको छ । भेटेनरि जेटीए पढ्नका लागी नाम निकाल्न प्राविधिक शिक्षालयका सञ्चालकले ६० हजार रुपैयाँ मागेको खबर सार्वजनीक भएको हो । जिल्लाको शारदा नगरपालिकामा रहेको आरती टेकनीकल इन्स्टिच्युटले ६० हजार दिएमा ‘इन्ट्रान्स’ मा नाम निकाल्दिन्छौँ भन्ने गरेको विद्यार्थीले जानकारि दिएका छन् ।
भेटनरी जेटिएमा करिब २०० जना भन्दा धेरैले फारम भरेको आरतीमा ४० जनाको कोटा रहेको छ । उक्त ४० जनाको कोटामा पर्नको लागि अहिले सल्यान लगाएत बाहिरी जिल्लाबाट एसईई दिएका विद्यार्थीहरू आएका छन् । सीटीईभीटीईबाट मान्यता प्राप्त भएको आरती टेक्निकल ईन्स्टिच्युडले सोमबार रोकिएको प्रबेशीका परीक्षापछि ६० हजार दिएमा जुनसुकै विद्यार्थीको नाम निकालिदिने भन्दै मोटो रकम मागेको कुरा खुल्न आएको हो ।
पत्रकार संग एक विद्यार्थीले भने, ‘मिहेनत गरेर नाम निकाल्ने र प्राविधिक विषय पढ्ने योजना थियो । तर घुस दिएमा मात्रै नाम निक्लने देखियो । कसरि पढ्न सकिएला र खै । मैले त हरेश खाइसकेँ ।’
सरकारी तथा निजि विद्यालयबाट राम्रो जिपिए नम्बर ल्याएर पढ्छु भन्दै गाउँबाट शहर झरेका विद्यार्थी सुरुमै प्रवेश परिक्षामा मोटो रकम इन्स्टिच्युडले मागेपछि पढाइमा हरेश खाएका हुन् । ‘भेटनरी जेटिएको लागी प्रवेश परीक्षामा नाम निकालिदिन्छौँ भन्दै संचालक दुर्गा भण्डारीले हामीबाट ६० हजार घुस मागेका छन्,’ नाम उल्लेख नगर्ने शर्तमा विद्यार्थीले भने ।
घुस खुवाएमा मात्रै नाम निक्लने भएमा अध्यनशिल तथा जेहेन्दार विद्यार्थीको भविष्यमाथी गम्भीर असर पर्ने देखिन्छ । विद्यार्थीले भनेका छन्, सञ्चालक दुर्गा भण्डारीले तपाई हामीलाई ६० हजार रुपैयाँ दिनुहोस्, हामी ढुक्कसँग नाम निकालिदिन्छौँ, तपाईले इन्ट्रान्स नै दिनुपर्दैन भन्नुभयो ।
त्यसैगरी अर्का एक विद्यार्थीले नाम गोप्य राख्ने शर्तमा भने, ‘सोमबार इन्ट्रान्स रोकिएपछि आरती टेक्नीकलले एक्कासी हामीलाई फोन गरेर कार्यालयमा बोलायो । नाम निकाल्नु छ भने ६० हजार दिए निस्किन्छ । सञ्चालकले यो कुरा अरु विद्यार्थीलाई भन्नु तर बाहिर आवट नगर्नु भन्नुभयो ।’उनका अनुसार नाम निस्किएपछि एकदुई महिना आरतीमै पढ्नुपर्ने र पछि बाहिर गएर पढ्नु पर्ने इन्स्टिच्युडले बताएको थियो । ति विद्यार्थीले भने, हामी गाउँदेखि एसईईमा राम्रो नतिजा ल्याएर पढ्छौँ भन्दै शहर आयौं तर यहाँ शिक्षामा पनि घुस चल्दो रहेछ । पहिले छात्रवृत्तिमा नाम निकाल्न पनि कोटा छ भनेको तर अहिले आएर त्यो पनि छैन् भनेको विद्यार्थीले बताए ।शिक्षामा भएको यस्तो घृणित कार्यले प्राविधिक शिक्षालयहरुको वेइजत हुनुका साथै विद्यार्थीको भविष्यमाथी पनि गम्भीर खेलवाड गर्ने भएकाले समयमै सत्य कुरा पत्ता लगाइ सञ्चालकमाथी कारवाहि हुनुपर्ने कुरा जिल्लामा उठ्न थालेको छ ।