खोज

बुटवल, २५ असोज । लुम्बिनी प्रदेशमा सबैभन्दा बढि भ्रष्टाचार रूपन्देहीमा हुने गरेको तथ्यांक सार्वजनिक भएको छ । अख्तियार दुरूपयोग अनुसन्धान कार्यालय बुटवलका अनुसार रूपन्देही जिल्लामा गत आर्थिक बर्षमा सबैभन्दा बढि उजुरी दर्ता भएका हुन । प्रदेशका १२ वटा जिल्लामा सबैभन्दा बढि उजुरी दर्ता हुने जिल्लाको रूपमा रूपन्देहीले ‘पहिलो स्थान कायम गर्न’ सफल भएको हो ।

अख्तियार बुटवल कार्यालयका अनुसार रूपन्देहीमा ५ सय ८१ वटा उजुरी गत आर्थिक बर्षमा दर्ता भएका थिए । सोही अनुसार कुल ४ सय २१ वटा उजुरी फछ्र्याैट भएका छन् भने अझै १ सय ६० वटा उजुरी बाँकी रहेका छन । कार्यालयका प्रमुख उपसचिव गणेश बहादुर अधिकारीका अनुसार रूपन्देही पछि कपिलवस्तु जिल्लामा पनि सबैभन्दा बढी उजुरी दर्ता भएका छन् । प्रदेशका कपिलवस्तु दोस्रो जिल्ला बनेको हो । जसमा कुल २ सय ९२ वटा उजुरी दर्ता भएकोमा कुल २ सय ३ वटा उजुरी फ्र्याैट भएका छन् । अझै कपिलवस्तुका ८९ वटा उजुरी बाँकी छन् । जुन चालु आर्थिक बर्षमा काम कारबाही हुने छन् । यस्तै नवलपरासी पश्चिममा १ सय ४२ वटा उजुरी परेकोमा ८६ वटा मात्रै फर्छौट भएका छन् । अझै ५६ वटा उजुरी फर्छौट हुन बाँकी छन् ।

यस्तै पाल्पा जिल्लामा कुल १ सय ६२ वटा उजुरी परेकोमा कुल १ सय २५ वटा फर्छौट भएका छन् भने अझै ३७ वटा फर्छौट हुन बाँकी छन् ।
यस्तै गुल्मी जिल्लामा कुल १ सय २८ वटा उजुरी परेकोमा ८१ वटा मात्रै फर्छौट भएका छन् भने अझै ४७ वटा फर्छौट हुन बाँकी छन् ।
अर्घाखाँची जिल्लामा कुल ७५ उजुरी दर्ता भएकोमा ४९ वटा फर्छौट भएका छन् भने २६ बाँकी छन् । प्यूठान जिल्लाका कुल ४४ वटा उजुरी परेकोमा २९ फर्छौट भएर १५ वटा बाँकी छन् ।

अख्तियार दुरूपयोग अनुसन्धान आयोग कार्यालय बुटवलका अनुसार रोल्पामा १ वटा दर्ता भएकोमा फर्छौट भएको छ । मुद्दा बाँकी छैनन । दाङ जिल्लमा ५ वटा दर्ता भएकोमा ३ वटा फर्छौट भएर २ वटा मात्रै बाँकी छन् । अख्तीयार कार्यालय बुुटवलको बाँके र बर्दीया, रोल्पा र पुर्वी रुकुममा आफ्नो कार्यक्षत्र पर्दैन । त्यहि पनि केही जिल्लाको तथ्यांक समावेश गरिएको छ । पूर्वी नवपरासीको पनि ९३ वटा दर्ता भएकोमा ५३ फर्छौट भएर ४० वटा बाँकी रहेको कार्यालय प्रमुख अधिकारीले जानकारी दिए । जस अनुसार अघिल्लो आर्थिक बर्षमा लुम्बिनी प्रदेश र गण्डकी सहितका १० जिल्लाको विववरण हेर्दा १ हजार ५ सय २३ उजुरी दर्ता भएकोमा १ हजार ५१ उजुरी फर्छौटभएका छन् भने अझै ४ सय ७२ उजुरी फर्छौट हुन बाँकी रहेका हुन ।
स्थानीय तहमा बढि मुद्धा

अख्तियारको बुटवल कार्यालयका अनुसार सबैभन्दा बढि प्रदेशका स्थानीय तह(संघीय) मामिलामा उजुरी दर्ता भएका छन् । एकै बर्षमा ७ सय ७३ उजुरी दर्ताहुँदा उक्त क्षेत्रका कुल ५ सय २५ उजुरी फर्छौट भएका छन् भने अझै २ सय ३८ उजुरी फर्छौट हुन बाँकी छन् । त्यसपछि स्थानीय तह शिक्षामा कुल २ सय ७० मुद्दा दर्ता भएकोमा १ सय ९५फर्छौट भएर अझै ७५ उजुरी बाँकी रहेका हुन ।
यस्तै प्रदेश वन तथा वातावरणमा ९९ वटा, भुमी व्यवस्थापनमा १ सय २२ वटा, गृह प्रशासनमा २९ वटा, अन्य २ सय ४० गरी प्रदेशमा कुल १५ सय २३ उजुरी दर्ता भएको पाइएको हो । अख्तियार कार्यालय बुटवललले कुल १५ सय २३ मध्ये १ हजार ५३ उजुरी फर्छौट गरी लक्ष्यको ६९.१४ प्रतिशत लक्ष्य पुरा गरेको छ ।

प्रदेश प्रमुखलाई प्रतिवेदन

अख्तियार दुरूपयोग अनुसन्धान आयोग केन्द्रीय कार्यालयको आयोजनामा लुम्बिनी प्रदेशका प्रदेश प्रमुख लाई अख्तियारको प्रतिवेदन बुझाएको छ । लुम्बिनी प्रदेशका प्रदेश प्रमुख अमिक कुमार शेचनलाई आयोगका सह सचिव कोशहरी निरौलाले प्रतिवेदन बुझाएका हुन । प्रतिवेदन बुझ्दै प्रदेश प्रमुख शेचरनले पछिल्लो समयमा सार्वजनिक पद धारण गरेको व्याक्ति, कर्मचारी ले छाटो समयमा नै अकुत सम्पत्ती आर्जन गर्ने गरेको पाइएको भन्दै यसको निस्पक्ष रूपमा छानविन गरी कारवाही अगाडी बढाउनुपर्ने बताए । उनले यसको लागि अख्तीयारले खुट्टा कमाउन नहुने बताएका थिए ।