खोज

पाल्पा, २६ असार । पुर्व प्रधानमन्त्री एवं नेकपा एकीकृत समाजवादीका अध्यक्ष माधवकुमार नेपालले देशमा व्यवस्था परिर्वतन भएपनि जन अपेक्षा अनुसार परिवर्तन हुन नसकेको बताएका छन् । उनले देशमा थुप्रै समस्याहरु रहेको, संघियता अनुरुप काम हुन नसकेको र जनताले संघियताको महशुस गर्न नपाएको बताए ।
नेपाल पत्रकार महासंघ पाल्पाले गरेको पत्रकार सम्मेलन कार्यक्रममा पुर्व प्रधानमन्त्री नेपालले ललिता निवास जग्गा काण्ड सहित सबै काण्डको निष्पक्ष छानविन हुनुपर्ने उल्लेख गरे । ललिता निवास जग्गा काण्डमा आफ्नो नाम जोडिएको तर अपव्यख्या गर्न नहुने बताए । मैले कुनै गल्ती गरेको छैन, मलाई कुनै डर छै्रन छानविन गरेर दोषी माथी कारवाही गर्नुपर्ने पुर्व प्रधानमन्त्री नेपालले जोड दिनु भयो । सरकारले देशभरीका सरकारी जग्गा छानविन हुनुपर्ने जनाए ।
पुर्व प्रधानमन्त्री नेपालले अहिले गठवन्धन ५ बर्षसम्म टिक्न गरी छलफल र संवादबाट अगाडी बढेको बताए । बजेट निर्माणमा प्रधानमन्त्री, अर्थमन्त्री र मन्त्रीले आफुखुसी सरकारको बजेट बाँड्ने चलन छ त्यो रोक्नुपर्ने जनाए । बजेट निर्माणमा सरकारसंग असन्तुष्टि जनाएको भएपनि सुधार गर्दै लैजाने सहमती भएपछि समर्थन नेकपा एसका अध्यक्ष नेपालले बताए । गठबन्धनबाट तपाई प्रधानमन्त्री कहिले बन्ने प्रश्नमा पर्दा पछाडी बिषय अहिले नबोल्ने जनाए । नेकपा एसका अध्यक्ष नेपालले एमाले प्रति लक्षित गर्दै सरकारमा पुगेपनि ढंग नपुर्‍याएको तर अहिले अरुलाई गाली गर्न लागिपरेको उल्लेख गरे । चुनावपछि एमाले प्रमुख सत्ता साझेदार भएर पनि आफ्नो अहंकारले प्रतिपक्षमा खुम्चिनु परेको बताए ।