खोज

सल्यान, २१ असार । सल्यानमा गुडिरहेको यात्रुवाहक बसमा करेन्ट प्रवाह हुंदा घटनास्थलमै दुई जनाको मृत्यु भएको छ । राप्ती लोकमार्ग अन्तर्गत दांग सल्यान सडकखण्डको कपुरकोट ३ चोरखोला नजिक बिद्युत लाइनको करेन्ट प्रवाह भैरहेको लत्रीएको तारले बसलाइ छुन पुगेको स्थानियहरुले बताएका छन् । करेन्ट लागेर मृत्यु हुनेहरुमा रोल्पाको गंगादेब गाउंपालिका ४ का अन्दाजी ७०वर्षको बालराम डाँगी र उनका छोरा अन्जादी ४० वर्षका टोपलाल डाँगी रहेका जिल्ला प्रहरी कार्यालय सल्यानका प्रवक्ता  गोपाल श्रेष्ठले जानकारी दिए । यस्तै बस धनी सल्यान छत्रेश्री गाउपालिका ६ का अन्दाजी वर्ष ३५ का महेन्द्र ओली गम्भीर घाइते भएका छन् ।  लत्रीएको बिद्युत तारले बसलाइ छुंदा बसभरी नै करेन्ट प्रवाह भएको थियो । उक्त घटनामा दुई जनाको घटनास्थलमै मृत्यु भएको जिल्ला प्रहरी कार्यालय सल्यानले जनाएको छ ।  गम्भीर घाइते एकजनालाइ उपचारका लागि दांगतर्फ पठाइएको घटनास्थलमा रहेका कपुरकोट गाउँपालिकाका उपाध्यक्ष प्रकाश भण्डारीले जनाएका छन् । दांगबाट सल्यान खौला तर्फ जाँदै गरेको रा १ ख ८३४ नम्बरको बसमा करेन्ट प्रवाह भएको बताइएको छ । सल्यान जिल्लाका प्रमुख जिल्ला अधिकारी भर्खर घटनास्थलमा पुगेका छन् । प्रहरी पनि घटनास्थल पुगेर आवश्यक अनुसन्धान कार्य अगाडि बढाएको र आफू पनि केही बेरमै घटनास्थलमा पुग्ने सल्यान जिल्लाका प्रहरी प्रमुख दामोदर केसीले जानकारी दिए ।