खोज

भैरहवा, १७ असार । जनमत पार्टीले रुपन्देहीमा नयाँ इन्चार्ज तोकेपछि पार्टीभित्र असन्तुष्टी देखिएको छ ।
असार ५ गते पार्टी अध्यक्ष डा. सिके राउतले जनमत पार्टी रुपन्देहीका जिल्ला इञ्चार्जमा अर्जुन प्रसाद जैसवाललाई जिम्मेवारी तोकेपछि जिल्लामा केही नेताहरुले भने असन्तुष्टि जनाएका छन् ।
संसदीय चुनावअघि जनता समाजवादी पार्टी, नेपाल जसपामा रहेका उनी चुनावको मुखमा जनमतमा प्रवेश गरेका थिए । जैसवाल २०७९ मंसिर ४ गते सम्पन्न निर्वाचनमा रुपन्देही क्षेत्र नम्बर ४ को २ बाट प्रदेशसभा सदस्य उम्मेदवार बनेका थिए ।
जनमत पार्टीका नेता रामदेव यादवले रुपन्देहीमा पार्टी बनाउन, स्थानीय तह र प्रदेश सभाको निर्वाचनमा खटिएका नेतालाई बिर्सेर कुन आधारमा इन्चार्ज चयन गरियो भनेर प्रश्न सामाजिक संजाल फेसबुकमा प्रश्न उठाएका छन् ।
पार्टीलाई बनाउने बेलामा खटिएका मान्छेलाई छाडेर अहिले अरुलाई जिम्मेवारी तोकिएकोमा असन्तुष्ट व्यक्त गर्दै यसरी पार्टी बलियो नहुने उनले बताए ।
जनमत पार्टीका केन्द्रीय सदस्य तथा लुम्बिनी प्रदेश इञ्चार्ज राजेन्द्र गुप्ताले पार्टी केन्द्रले गरेको निर्णय आफूले कार्यान्वयन गरेको बताउँदै जिम्मेवारी सबैलाई नपुग्ने भएकाले केही असन्तुष्टी हुनु स्वभाविक भएको बताए ।