खोज

नेपालकै सबैभन्दा ठूलो गाई फर्म लुम्बिनी एग्रो प्रोड्क्ट एण्ड रिसर्च सेन्टर तिलोत्तमा टिकुलीगढले निकट भविश्यमा नै आफूले उत्पादन गरेको दूधबाट विभिन्न दुग्धजन्य उत्पादन गरी बिक्री गर्ने तयारी गरेको छ । बेला बेलामा हुने मिल्क होलिडे लगायत कच्चा दूध बिक्री बाट बढि मुनाफा आउने भएपछि सेन्टरले त्यसलाई प्रसोधन गरी दुग्धजन्य बस्तु उत्पादन गरी बिक्री गर्ने योजन आगाडि बढाएको हो ।
लुम्बिनी एग्रो पोड्क्स एण्ड रिसर्च सेन्टरका सञ्चालक शसी पौडेलले दैनिक २० हजार लिटर कच्चा दूध खपत गर्ने गरी दुग्धजन्य पदार्थ उत्पादन, प्रशोधन उद्योग स्थापना गर्न लागिएको जानकारी दिए । जसको लागि ईजरायली कम्पनीसंग सम्झौता गरिएको छ । ईजरायली कम्पनी र लुम्बिनी एग्रो प्रोड्क्सको संयुक्त लगानी (जोईन्ट भेन्चर) मा तिलोत्तमा नगरपालिकाको कटैयामा ढाई विघा जग्गा समेत लिएको सञ्चालक पौडेलले जानकारी दिए । उनले भने–‘कच्चा दूध बिक्रीबाट खासै आम्दानी नहुने र बेला बेलामा हुने मिल्क होलिडे लगायतको समस्याको कारण हामीले जग्गा खरिद गरी उक्त कार्य अगाडी बढाएका छौं । ’
मेसिन विदेशबाट आयात गर्नुपर्ने भएको कारण एलसी खोलर आयात गर्न करिब ४÷५ महिना र मेसिन ल्याएर जडान गर्न करिब ३÷४ महिना गरी अवको एक बर्षमा उत्पादन बजारमा लैजान गरी कार्य अगाडी बढाएको पौडेलको भनाइ रहेको छ । अहिले दैनिक २ हजार लिटर मात्रै दूध उत्पादन गरेको पोड्क्टले बजारमा दूधको माग कमी भएको कारण दाना लगायत विभिन्न म्युटेन्ट गाईलाई कम मात्रमा खुवाएर दूधको मात्र कम गरेको छ ।
दैनिक २० हजार लिटर दूध उत्पाद गर्ने क्षमता सहितको उक्त उद्योबाट दुग्धजन्य सबै प्रकृतिको उत्पादन, ब्रान्ड्रीङ्ग, बिक्री वितरणको लागि लिएको छ । जसको लागि इजरायलबाट नै प्राविधिकहरू आउँदै छन् भने प्राविधि पनि ईजयालकै प्रयोग गरिने छ । २०६७ सालबाट व्यवसायिक रूपमा गाई फर्म स्थापना गरेका पौडेलको फर्ममा अहिले ५ सय भन्दा बढि गाई छन् । त्यसमा १७५ दुहुने गाई छन् । उत्पादन भएको दूध सबै विहानको बुटवल बजारमा र बेलुकाको दूध भैरहवा बजार क्षेत्रमा विक्री हँुदै आएको छ । फर्ममा पालिएका सबै गाईको दूध मेसिनबाट नै दुहुने गरीन्छ । प्रविधीको उच्च प्रयोग गरिएको उक्त फर्ममा पालिएका गाई दूध दुहुने बेला भएपछि आफै नै लाईनमा गएर बस्दछन् । अनि प्राविधिकले थुन, कल्चौडो सफा गरेपछि मिल्कीङ्ग मेसिन जडान गरिन्छ । जसबाट दूध पास्चराईजेसनको लागि मेसिनमा जान्छ । त्यहाँबाट दूध ट्याक्टरबाट उपभोक्ताकहाँ पठाउँदै आइएको छ ।
अमेरिकामा रहेको विजेनेश भिसा त्यागेर नेपालमा आएका शसी पौडेलले स्वदेशमा आएर गाई फर्म चलाउँदै आएका छन् । अमेरिका जान भन्दा पहिला पनि नेपालमा पेट्रोल पम्प सञ्चालन गरेका पौडेलले त्यहाँ गएर पनि पेट्रोल पम्प नै सञ्चालन गर्ने योजना बनाएका थिए । तर त्यहाँ गएपछि त्यहाँको सिप, लगनशिलता लाई सिकेर बिजनेस भिसा त्याएर उनी नेपालमा आएका हुन् ।
‘एक हप्ता सम्म त्यहाँ बसेपछि त्यहाँ बस्न मन लागेन, राष्ट्रवादले मलाई यहाँ नै फर्कायो’– उनले भने । अमेरिकामा सुर्य कतिखेर उदाउँछ, कति खेर अस्थाउँछ भन्ने थाहा नै नहुने गरी त्यहाँ बस्न मन नलागेको कारण आफु स्वदेशमा आएको उनको भनाइ छ ।
५ बर्षे मल्टीपल विजेनेश भिसा त्यागेर देशमा आउनको लागि मिहिनेतले नै फर्काएको उनी बताउँछन् । नेपालमा हाल सरकारबाट कृषिको क्षेत्रमा ल्याएका नीति तथा नियमको विषयमा सिद्धान्न र काम गराईको विषय नमिल्दा समस्या भएको भन्दै किसानलाई सरकारले जुन किसानले जस्तो किसानको काम गर्दै छ सोही अनुसार नै उत्पादीत बस्तु विक्रीको ग्यारेन्टी हुनुपर्ने उनको भनाइ छ । फर्ममा २५ जनालाई प्रत्यक्ष रोजगारी, प्राप्त गरिरहेका छन् भने अप्रत्यक्ष रूपमा करिब २ सय भन्दा बढिले रोजगारी प्राप्त गरेका छन् । बिहान ४ बजे र दिउँसो २ बजे दूध दुहुने गर्दछन् ।
बायो ग्याँस उत्पादनको योजना
अहिले निर्माणाधीन अवस्थामा रहेको बायोग्यासलाई छिट्टै पुरा गर्ने योजना रहेको सञ्चालक पौडेलले जानकारी दिए । ११ सय घनमिटरको डिपीआर अनुसार बायो ग्यास बनाउने योजना क्षमता रहे पनि त्यसलाई आधा उत्पादन गर्ने योजना रहेको छ । जसको कार्य ७० ÷८० प्रतिशत पुरा भएको छ । पहिला निर्माणको जिम्मा लिएको ठकेदार कम्पनीले काम बीचैमा छोडेर भागेको कारण अब नयाँ अर्को ठेकेदार संग कुरा गरेर तुरन्त पुरा गर्ने योजना रहेको उनले जानकारी दिए । ‘हामी विजुली विक्री भन्दा पनि बोटलिङ्ग गर्ने योजना बनाएको छ बोटलिङ्ग गर्ने योजना बनाएका छौ । ’– उनले भने ।
दैनिक ७ सय ५० किलो वाट विजुली उत्पादन गर्ने क्षमता रहेको बायोग्याँसले दैनिक ७०–८० ग्याँस बोटलिङ्ग गर्न सकिने क्षमता रहेको छ । जुन बायोग्याँस ५० किलो लिटरको हो । à