खोज

ऐतिहासिक महŒव बोकेको प्राचिन भागिरथी नदी (बाणगंगा) को रामघाट मेला भर्न श्रद्धालु भक्तजनको घुइँचो लागेको छ । कार्तिक शुक्ल पुर्णिमाका दिन वाणगंगा नदीको रामघाटमा लाग्ने मेला भर्न बिहीबार दिउँसै देखि हजारौं भक्तजन आएका थिए ।
धार्मिक दृष्टिकोणले महत्वपुर्ण भएकाले पर–परबाट तिर्थालु एक दिन अघि नै आएर बसेका थिए । शुक्रबार लागेको मेलाका लागी बिहिबार सा“झैबाट रामघाटमा श्रद्धालु भक्तजन आउने क्रम शुरु भएको थियो । राति ३ बजेबाटै रामघाटमा स्नान गरी नजिकैको रामजानकी मन्दिरमा पुजाआजा गर्नेको लामो लाईन थियो । भारत र जिल्लाकै डेढ सय बढी साधु, सन्त र जोगी मेलामा आएका थिए । मन्दिर वरिपरि र नदी किनारमा रात भर जोगीहरुले जाग्राम बसी ढोल, खैजडी, झा“ज र हरमुनियम बजाई भजन, किर्तन र चुड्का भन्दै बसेका थिए ।
त्रेता युगमा भगबान राम वनवास जाने क्रममा रामघाट आई पुग्दा उनलाई पानी प्यास लागे पछि वा“ण हानेर पानी निकालेको धार्मिक किम्बदन्ती रहेको अबधी साँस्कृतिक बिकास परिषदका जिल्ला सचिव राधबेन्द्र कुमार श्रीवास्तबले बताए । “पछिल्लो समय रामघाटमा बोलबम जलयात्रु, कार्तिक पुर्णिमाका श्रद्धालु र मासिक रुपमा हुने गंगा आरतीमा श्रद्धालुको संख्या बढदो छ । नदीमा आउने श्रद्धालुलाई लक्षित गरि बिश्रामस्थल सहितका भौतिक संरचना निर्माणको आवश्यकता छ । ” उनले भने ।
रामघाटमा मेला भर्न ८० किमि पर भारतको बस्ती र सिद्धार्थनगर जिल्ला लगायत छिमेकी दाङ्ग, रुपन्देही र नवलपरासी सम्मका श्रद्धालु भक्तजन आएका थिए । भगवान रामले पानी पिएको हुदा यस ठाउको नाम रामघाट रहन गई धार्मिक तीर्थस्थल भएको श्रीवास्तबले बताए । कतिपयले रामघाटमा स्नान गरी नदी छेउमा गौदान पनि गर्ने गरेका छन । गौदान गरे मनोकाक्षा पुरा हुने जनविश्वास रहेकाले धेरै भक्तजन यहा गौदान गर्न पनि आउने गरेको कपिलवस्तु नगरपालिका ४ पिपरीका रमाकान्त प्रसाद उपाध्यायले बताए । प्राचिन भागिरथी नदीको रुपमा परिचित बाणगंगानदीका बिभिन्न स्थानमा स्नान गर्न टाढा टाढाका भत्तजन आउने गरेको उनले जानकारी दिए । मेलाका दिन घाटमा स्नान गरी र रामजानकी मन्दिरमा पुजाआजा गर्नाले मनोकांक्षा पुरा हुने धार्मिक जनविश्वास भएकाले मेलामा भीड बढने गरेको मेला भर्न २ दशक देखि भारतको सिद्धार्थनगरको शोहरतगढ बाट आएका भारतिय श्रद्धालु अर्जुन कुर्मीले बताए ।
मेलालाई ब्यवस्थित गर्न सय बढी नेपाल र सशस्त्र प्रहरी खटिएका छन् । मेला सय वर्ष अघि देखि नै लाग्दै आएको बुढापाका बताउछन् । त्यसैगरी कपिलवस्तुको लक्ष्मणघाट र बर्गदीघाटमा समेत मेला लाग्ने गर्दछ । यसै बीच बिभिन्न संघ संस्थाको अगुवाईमा मेलास्थलमा स्वास्थ्य उपचार सहितका क्याम्प सञ्चालन गरिएको थियो । à