खोज

बुद्धस्थल तिलौराकोटको बिकासका लागी मायादेबी पैदल परिपथको योजना कार्यान्वयनमा जोड दिनुपर्ने कृषि तथा पशुपंक्षी बिकास मन्त्री चक्रपाणी खनाल (बलदेव) ले बताएका छन् ।
“अतिथी देवो भव” भन्ने मुल नाराका साथ नेपाल पर्यटन पत्रकार महासंघले तौलिहवामा आयोजना गरेको एक हजार नयाँ गन्तब्य पहिचान र प्रबद्र्धन बिषयक जिल्ला साक्षात्कार कार्यक्रमलाई सम्बोधन गर्दै उनले सो बिचार व्यक्त गरे ।
सो अवसरमा बोल्दै मन्त्री खनालले लुम्बिनीको परिचय र बिकास बिश्व माझ पुगी सकेकाले तिलौराकोट र रामग्राम बिकासको लागि योजना बनाएर अघि बढ्न आवश्यक रहेकोमा जोड दिए । पर्यटन भित्राउनु मात्रै नभई पर्यटक टिकाउने बातावरणका लागि योजना बनाउन आवश्यक रहेकोमा उनले जोड दिए । मायादेबी पैदल परिपथको योजनामा तिलौराकोटको पुर्वीद्वार बाट लुम्बिनीको पश्चिमद्वार जोड्ने पैदल परिपथ बनाउने योजना रहेको उनले जानकारी दिए । सो परिपथको ५÷५ सय दाया बायाँको क्षेत्रलाई एग्रो टुरिजमको रूपमा बिकास गर्ने, बीचमा ग्रेटवाल ढाँचाको आधुनिक संरचना निर्माण गरि दाया साईडमा लाखौं बुद्धका साना साना मूर्ति र बायाँ साईडमा लाखौं माने घुमाउँदै पर्यटक हिँडन मिल्ने योजना प्रस्तुत गरे । करिब ३० किलोमिटरको सो संरचनाले एक दिन पर्यटक टिक्ने बातावरण बन्ने उनले तर्क दिए ।

सो परिपथ तिलौराकोटको पुर्वीद्वार, सगरहवा, निग्लिहवा, अरौराकोट, पतरिया हुँदै लुम्बिनीको पश्चिमीद्वारमा पुग्ने उनले बताए । त्यसै गरि लुम्बिनीबाट दक्षिण हँुदै बिढुवा, सिसहनियाकोट, गोटिहवा, कुदान देखि बाणगंगाको किनार हँुदै पश्चिमीद्वारमा जोडिने उनले बताए ।
गौतम बुद्धका पिता राजा शुद्धोधनको राजदरबार रहेको बुद्धस्थल तिलौराकोटको बिकासका लागि पैदल परिपथको योजना ल्याउन खोजे पनि तिलौराकोटलाई पछाडी पार्न खोजिएको भन्दै उनले गुनासो गरे । सो योजनाको डिपीआर निर्माणका लागि २ करोड बढि रकम चाहिने भएपनि ५० लाख मात्रै बिनीयोजन गरिएको र भौतिक योजना मन्त्री रधुबिर महासेठ सँग पहल गर्दा बल्लबल्ल १ करोड मात्रै थप भएको उनले बताए । “पोखरा तिर २, ४ अर्ब गएछ । यता कम से कम १ करोड फालिदिएको भए पनि हुन्थ्यो भनेको ल ल मिलाउला भन्नु भएको छ ।” पर्यटनमन्त्री रबिन्द्र अधिकारीलाई लक्षित गर्दै मन्त्री खनालले भने । पर्यटन प्रबद्र्धनका लागी भएका स्थलको बिकाससँगै पर्यटक टिक्ने पुर्वाधार बिकासका लागी लाग्नु पर्नेमा उनको जोड् थियो । तिलौराकोटमा बढि पर्यटक भित्राउने लक्ष्य पुरा गर्न चाकलचौडा नाकालाई ठूलो भंसारको रूपमा स्तरोन्नती गर्न आवश्यक रहेको उनले जानकारी दिए । सो भंसारको स्तरोन्नती गर्ने योजना पुरा भए भारतका बिभिन्न बुद्ध साईटमा आउने पर्यटक नेपाल भित्रिने बातावरण तयार हुने उनले जनाए । नेपाल आउने पर्यटकलाई सहजताका लागी चाकलचौडा, पिपरा हुदै बिक्रमसोता सम्म फोरलेन सडक तथा त्यहाँबाट गुणीतरीय दुईलेनको सडक सुपादेउराली, घुम्ति हुदै रिडी पु¥याएर कालिगण्डकी कोरिडोरमा जोडन सकिने उनको भनाइ थियो । सो अवसरमा एक हजार नयाँ गन्तब्य पहचिानका बिषयमा कार्यपत्र प्रस्तुत गर्दै नेपाल पर्यटन पत्रकार महासंघका केन्द्रिय अध्यक्ष धनीराम शर्माले देशको कुल ग्राहस्त उत्पादनमा ७ दशमलब ५ प्रतिशत योगदान पर्यटन क्षेत्रको रहेको जनाउदै सन २०२० मा ३० लाख पर्यटन भित्राएर पर्यटनको ग्राहस्त उत्पादनको योगदानलाई २५ प्रतिशत पु¥याउने लक्ष्य पुरा गर्न १ हजार नयाँ गन्तब्यको पहिचानमा आफुहरू लागेको जनाए ।
कार्यक्रममा प्रदेशसभा सदस्यहरू बिष्णु पन्थी, सहसराम यादव, धर्मबहादुरलाल श्रीवास्तब, प्रजिअ अर्जुन प्रसाद पोख्रेल र शिवराज नगरपालिकाका प्रमुख नेत्रराज अधिकारी लगायतले हाल सम्म भएका पर्यटकिय गन्तब्यको सहि व्यवस्थापन गर्न तथा नयाँ गन्तब्यको खोजी गर्न आवश्यक रहेकोमा जोड दिए । महासंघ केन्द्रिय सदस्य सन्तोष बस्यालको सञ्चालन तथा प्रदेश कोषाध्यक्ष भुपाल थापाको स्वागतमा कार्यक्रम सम्पन्न भएको थियो ।