खोज

बुटवल, माघ । दृष्टिविहिन क्रिकेट संघ लुम्बिनीको आयोजानमा बुटवलमा भएको तिन दिने दृष्टिविहिन गोल बल प्रतियोगीताको उपाधी लुम्बिनी समूहले जितेको छ । माघ २० देखि २३ गते सम्म तीन दिन सम्म बुटवल माझगाउँमा रहेको बुटवल ब्याडमिन्टन कर्वड हलमा भएको प्रतियोगीतमा अन्तीम चरणमा लुम्बिी टिमले विजयी भएको हो । पहिलो खेल तिनाउ र लुम्बिनी समुहका विचमा भएको थियो । जसमा ११–१४ स्कोर सहित लुम्बिनी विजयी भएको थियो भने दोस्रो खेलमा लुम्बिनी र बुटवल समुहका विचमा भएको खेलमा १०–१४ स्कोरका साथ लुम्बिनी नै विजयी भएको थियो ।
यस्तै २२ गते भएको पहिलो खेलमा तिनाउ समुह र बुटवलका विचमा भएकोमा ६–१८ स्कोरका विचमा बुटवल समुह विजयी भएको थियो ।यस्तो दोस्रो खेलमा लुम्बिनी र बुटवल सहुका विचमा भएकोमा ५–१३ ले बुटवले जित हासिल गरेको थियो ।
अन्तीम माघ २३ गते भएको प्रतिष्पार्धामा लुम्बिनी र बुटवल समुहका विचमा भएकोमा लुम्बिनी समुह ११ स्कोर सहित प्रथम भएको हो । यस्तै बुटवल समुहले ७ स्कोर सहित उप–विजेता बनेको थियो । प्रतियोगीतामा विजयी समुहलाई एक कार्यक्रमाका विच मेडल र पुरस्कार प्रदान गरिएको छ । लुम्बिनी दृष्टिविहिन क्रिकेट संघका अध्यक्ष निर्मल पौडेल, नेपाली क्रिकेट समर्थक समुहका केन्द्रीय उप–सचिव मोहन ज्ञवाली, अर्घाखाँची जिल्ला अध्यक्ष नारायण पाण्डे सहितका अतितिहरुलाई पुरस्कार प्रदान गरेका हुन ।
कार्यक्रममा बोल्दै दृष्टिविहिन क्रिकेट संघ लुम्बिनीका अध्यक्ष निर्मल पौडेलले बुटवलमा गोलबल खेल्ने मैदान को अभावका विचमा विगत ३ बर्ष देखि प्रशिक्षण र प्रतियोगीता आयोजना गर्दै आइरहेको जानकारी दिए । उनले दृष्टिविह भएका व्याक्तिहरुले पनि क्रिकेट क्षेत्रमा विश्वमा नेपालको नामा राखेको जानकारी दिदै लुम्बिनी क्षेत्रबाट गोलबल र क्रिकेट क्षेत्रमा नाम राख्ने गरी खेलाडी उत्पादन गर्ने लक्ष्य रहेको बताएका थिए ।
प्रतियोगीता समापन कार्यक्रममा एम्पायर गिता रेग्मी, खेलाडी लोकेन्द्र डाँगी, लोके डागि, सन्तोष न्यौपाने, जानकी केवट लगायतले आ आफ्नो मन्तव्य राखेका थिए । प्रतियोगीता बुटवल उपमहानगरपालिकाको आर्थिक सहयोगमा भएको हो । सोही कार्यक्रममा महिला खेलाडीहरुको लागि प्रशिक्षण समेत प्रदान गरिएको थियो ।