खोज

बुटवल, ३० चैत ।
नेपाल औषधि ब्यवसायी संघ रुपन्देही जिल्लाको आयोजनामा नया वर्ष २०८२ को शुभकामना आदानप्रदान, भित्तेपात्रो बिमोचन तथा क्षमता अभिवृद्धि कार्यक्रम सम्पन्न गरेको छ ।

एक समारोहका बिच सिद्धार्थनगर नगरपालिकाका उपमेयर उमा अधिकारीले कार्यक्रमको उद्घाटन गर्दै समुदायको हरेक ब्यक्ति र संस्था आआफ्नो भुमिका निर्वाह गर्न सके धेरै समस्या समाधान हुने बताईन । आम नागरिकको हकहितमा सधै सरकारबाट वकालत गर्ने बताउदै उनले ब्यवसायिक संस्थाहरु आफनो हकहितसंगै ब्यवसायीक मर्यादालाई पालना गर्नुपर्ने बताइन । स्थानिय सरकार अनुगमनको नाममा त्रास दिन नहुने उनले तर्क दिदै पेशा ब्यावसायको हितमा सधै आफनो साथ रहने उनले बताए । सिद्धार्थनगर नगरपालिकामा सिग्नेचर कार्यक्रम गर्ने गरि स्थानिय सरकार बजेट बिनियोजन गर्न तयार रहेको उनले बताईन ।

कार्यक्रममा संघका अध्यक्ष खड्ग बहादुर बस्नेतले गुणयुक्त असरयुक्त, जनसुरक्षित औषधिको आपूर्ति हाम्रो प्रतिवद्घता नारासहित स्थापना भएको भन्दै अस्वस्थ्य प्रतिस्पर्धा र कर प्रणाली आजको ब्यवसायीहरु पिडामा रहेको बताए । पेशालाई मर्यादित बनाउने र सेवामुलक ब्यवसाय हुदा सामाजिक उत्तरदायित्वमा ब्यवसायीहरु सरकारलाई सहयोग गर्न तयार रहेको उनले बताए ।

कार्यक्रममा संघका महासचिव कृष्ण पोखरेलले ब्यवसायी आर्थिक समस्यामा गुज्रिएको बेला होर्डिङ बोर्डको विषय बुटवलमा क्षेत्रमा समस्याको रुपमा देखापरेको बताए ।

कार्यक्रमका संयोजक उमेशचन्द्र आचार्यले पेशाप्रतिको एकता र सिकाईको रुपमा संस्थामा आवद्ध भएर लाग्नुपर्ने बताए । ब्यवसायीहरु वर्तमान समयमा कठिन अवस्थामा रहेको बेला संस्थागत रुपमा एकतावद्घ भएर अघि बढ्नुको विकल्प नरहेको उनले बताए । संस्थालाई जिवन्त बनाएर निरन्तरता दिन जरुरी रहेको उनले बताए । स्थानिय सरकारसंग समन्वय गरि सचेतना कार्यक्रम चलाउनेदेखि ब्यवस्थित गर्ने गरि अभियान चलाउनुपर्ने बताए ।

कार्यक्रममा नेपाल औषधि ब्यवसायी संघका केन्द्रीय उपाध्यक्ष राम प्रसाद खरेल, संघका लुम्बिनी प्रदेश अध्यक्ष लुकराज न्यौपाने, संस्थाका विशेष सल्लाहकार सुनिल श्रेष्ठ, सल्लाहकार सुरज भट्टराई, कानुनी सल्लाहकार युवराज घिमिरे, रुपन्देही ईन्चार्ज बैकुण्ठ कोईराला, अग्रज ब्यवसायी किरण शंकर सरकार, प्रभा ज्ञवालीले नया वर्षमा ब्यवसायीहरुको समस्यालाई सरोकारवालाबाट सम्बोधन हुने गरि संस्थागत आवाज उठाउनुपर्ने बताए ।

यसैबिच संस्थामा आवद्ध भैरहवा क्षेत्रका ब्यवसायीहरुलाई लक्षित गरि एक दिने मनोदिपक औषधीको असर र प्रयोगको बारेमा मनोरोग विशेषज्ञ डा. सन्दिप वर्माले अभिमुखिकरण गरिएको छ ।