खोज

समुदायका कुनै पनि नागरिकको जीवन खाद्यान्नको अभावमा जोखिममा पर्न नहुनेमा एक कार्यक्रमका वक्ताहरूले जोड दिएका छन् ।
सल्यानको कपुरकोटमा नेपाल ग्रामिण पुननिर्माण संस्था (आरआरएन) सल्यानले आयोजना गरेको खाद्य सुरक्षा तथा खाद्य अधिकार सम्बन्धी अन्तरक्रिया कार्यक्रमका सहभागीहरूले बाँच्न पाउने अधिकार संग प्रत्यक्ष जोडिएको खाद्य अधिकारको सम्मान गर्नुपर्ने बताएका हुन् ।
कार्यक्रममा कपुरकोट गाउँपालिकाका अध्यक्ष भिम बहादुर सेनले आफ्नो गाउँपालिकाभित्रका हरेक नागरिकले आवश्यक र पोषणयुक्त खाद्यवस्तु प्राप्त गर्न सकुन् भन्ने उद्देश्य रहेको जनाउँदै नागरिकको खाद्यवस्तुमा पहुँच पुर्याउनका लागी आवश्यक नीती, नियम र कार्यक्रम बनाइने बताए ।
आरआरएन सल्यानका संयोजक होमराज विश्रालले खाद्य अधिकार मौलिक अधिकार भएकाले प्रत्येक व्यक्तिले सम्मान पूर्वक पर्याप्त मात्रामा सुरक्षित र पौष्टीक खाना पाउनुपर्ने धारणा राखे ।
कपुरकोटमा खाद्यान्नको अवस्था के छ, गाउँपालिकाको भावि खाद्य सुरक्षा सम्बन्धी योजना के छ जस्ता विषयमा कार्यक्रममा अन्तरक्रिया भएको आरआरएनका कृषि अधिकृत ओम प्रकश चौधरिले जानकारि दिएका छन् । यस प्रकारको कार्यक्रम जिल्लाका सबै स्थानीय तहमा गरिने आरआरएनले जनाएको छ ।
संस्थाका प्रशासन तथा लेखा प्रमुख धर्मराज उपाध्यायका अनुसार हाल सम्म कपुरकोट सहित छत्रेश्वरी, त्रिवेणी, कालिमाटी गाउँपालिका तथा शारदा र वन्गाड कुपिण्डे नगरपालिकामा कार्यक्रम राखेर संविधानले दिएकाृ खाद्य अधिकारको विषयमा जानकारि प्रदान गरिएको छ ।
अव बाँकी रहेका स्थानीय तहमा पनि यो कार्यक्रम छिट्टै सम्पन्न गरिने उनले जनाए । जीविकोपार्जन तथा पोषण सुधार कार्यक्रम अन्तर्गत बीएमजेड र डब्ल्यु एचएच को आर्थीक सहयोगमा आरआरएन सल्यानले खाद्य अधिकार सम्बन्धी कार्यक्रम गर्दै आएको छ । à