खोज

लमही, १२ असोज ।
दाङ घोराही उपमहानगरपालिका–१४ निवासी प्रेमकुमारी पुनले अल्लोको धागोबाट हातले बुनेर कोट, टोपी, झोला, जुत्ता लगायतका सामग्री तयार पार्दै आएकि छिन । आफूले तयार पारेका सामग्री बिक्री गर्न मेला, महोत्सव, दिवसहरूमा समेत पुग्ने गर्छिन । अल्लो र उलनबाट बनाएका सामग्री मान्छेहरूले मन पराएर किनेपछि प्रेमकुमारीमा बेग्लै खुसि छाउछ । यसैक्रममा विश्व पर्यटन दिवसको अवसरमा प्रेमकुमारीले अल्लो र उलनबाट हातले बुनेर तयार पारिएको झोला, टोपी, कोट, जुत्ता लगायत सामग्री विक्रिका लागि स्टल राखेकी थिइन । जुन स्टलबाट लुम्बिनी प्रदेशका मुख्यमन्त्री चेतनारायण आचार्यले दुई वटा टोपी किने । अहिलेसम्म नेता, मन्त्रीलाई टोपी बिक्री गरेको थिएन । कि त उपहार दिइन्थ्यो ।
तर, मुख्यमन्त्रीले टोपि किनेर लगाए । उनको यो कामले हामी उद्यमीहरूमा हौसला थपियोझउनले भनिन–ञशिरको टोपी फेरेर हामीले बनाएको टोपी लगाउनु भयो । पाँच सय रूपैयाँ एउटा टोपिको मूल्य थियो । उनले दुई वटा किनेर लैजानु भयो । २०६५ सालबाट अल्लोबाट कपडा बनाउन थालेकी प्रेमकुमारीले चिनारी महिला साझेदारी समूह निर्माण गरेर उद्यम चलाउँदै आएकी छिन । धेरै हौसला मिल्छ ।

किनेर लगाइ दिँदा उनले भनिन मुख्यमन्त्री ज्यूको यो सद्भावले हामी उद्यमिको छाति चौडा भयो । पर्यटन दिवसको अवसरमा लुम्बिनी प्रदेशका उद्यमीले तयार पारेका स्थानीय उत्पादनका सामाग्रीहरू प्रदर्शनीमा राखिएको छ । थाकलबाट बनेका हस्तकलाको सामग्री देखि माटोबाट बनेका भाँडाहरू समेत प्रदर्शनीमा राखिएको थियो । घोराही–१४ निवासी प्रेमकुमारी पुन मगर । उनी २०६० सालदेखि ‘चिनारी महिला साझेदारी समूह’ द्वारा उद्योग चलाउँदै आएकी छिन् । जुन स्टलको लुम्बिनी प्रदेशका मुख्यमन्त्री चेतनारायण आचार्यले अवलोकन गरेका हुन ।
मुख्यमन्त्रीको आह्वानः लुम्बिनी भ्रमणका लागि स्वदेशी र विदेशी पर्यटकलाई निम्ता दिएका छन् । त्यसै गरीए लुम्बिनी प्रदेशका मुख्यमन्त्री चेतनारायण आचार्यले स्वदेशी तथा विदेशी पर्यटकहरूलाइ लुम्बिनी प्रदेश भ्रमण गर्न आह्वान गरेका छन ।

दाङको घोराहीमा शुक्रबार आयोजना गरिएको विश्व पर्यटन दिवस कार्यक्रमलाई सम्बोधन गर्दै मुख्यमन्त्री आचार्यले लुम्बिनी घुमौं अभियानलाई व्यापक बनाउने उद्घोष गरे । सबैमा आह्वान गर्न चाहन्छु, लुम्बिनी प्रदेशको एक पटक अवश्य भ्रमण गरौं उनले भने लुम्बिनी प्रदेश पर्यटनको केन्द्र हो । हरेक हिसाबले लुम्बिनी समृद्ध छ । हाम्रो प्रदेश मिनि नेपालको रूपमा स्थापित छ ।

एकपटक लुम्बिनी भ्रमण गर्न सबैमा निमन्त्रणा गर्दछु । लुम्बिनी प्रदेश सरकारले लुम्बिनी पर्यटन सर्किटलाई स्थापित गर्ने बताए । लुम्बिनी आएका पर्यटकलाई १२ जिल्लाको भ्रमण गराउने गरी पर्यटन सर्किट बनाउने गरि काम भइरहेको छ उनले भने–विदेशी पर्यटक भित्र्याउन अन्तर्राष्ट्रिय स्तरमा पनि समन्वय भइरहेको छ । प्राकृतिक रूपमा लुम्बिनी समृद्ध रहेको र यसबाट विकासको आधार निर्माण गरिने बताए । लुम्बिनी प्रदेश पर्यटक दृष्टिकोणले एक नम्बरमा पर्छ । पर्यटनको प्रचुर सम्भावना छ उनले भने– विभिन्न जातजाति, समुदायको कला संस्कृतिले लुम्बिनीको पहिचान विश्व समुदायमा पुगेको छ ।

लुम्बिनी प्रदेश सरकारले विश्व पर्यटन दिवस दाङमा मनाएको छ । उद्योग पर्यटन तथा यातायात मन्त्रालय पर्यटन विकास परिषद र घोराही उपमहानगरपालिकाको संयुक्त आयोजनामा ४५ औं पर्यटन दिवस घोराहीमा मनाइएको हो । पर्यटन, न्याय र शान्ति मुल नारा सहित उद्योग, पर्यटन तथा यातायात व्यवस्था मन्त्री प्रचण्ड विक्रम न्यौपानेको सहभागीता थियो । त्यसैगरि लमहीमा ४५ औं पर्यटन दिवस अबसरमा बजार सरसफाइ गरिएको छ ।

कार्यक्रममा घोराही उपमहानगरपालिकाका कार्यवाहक नगर प्रमुख हुमाकुमारी डिसीले पर्यटनको विकास बाट समृद्धी हासिल गर्न सकिने प्रसस्त आधारहरू रहेको बताए । पर्यटन दिवसले रोजगारीको अवसर सृजना गर्छ । स्थानीय उत्पादनको बजारीकरण गर्न मद्दत गर्छ । यसले समग्र विकासमा टेवा पुग्छ उनले भने–‘पर्यटन समृद्धिको आधार हो । यहाँका नागरिकको जीविकोपार्जन गर्न अवसरहरू सृजना गर्दछ ।

थरिथरि झाँकी र रैथाने परिकारको उत्सव

पर्यटन दिवसलाइ विभिन्न समुदायको झाकि, रैथाने परिकार, हस्तकलाका सामाग्री प्रदर्शनीले भब्य बनाइएको छ । गणेशपुर तुलसीपुरले गन्धर्व समुदायको मालाश्री सारङ्गि धुन, अवधी संरक्षण प्रतिष्ठान गढवाले अवधी नाच, देउखुरीका थारु समुदायले कठघोरी नाच प्रस्तुत गरेका थिए । नेवारी समुदायको लाखे नाच, तुलसीपुर गरगरवाका स्थानीयले नुवागाउँले सोरठी नाच प्रस्तुत गरेका थिए ।
पाल्पा मिस्दी गाउँपालिकाको कोरा नाच, घोराही–१० को थारु समुदायको वडका नाच, लुकमेली खाम समाजको भुम्या नाच, घोराहीका थारु समुदायले थारु सख्या नाच प्रदर्शन गरेका थिए । यस्तै हातबाट बुनिएका कपडा, माटोका भाँडा, फलामका सामाग्री प्रदर्शनीमा राखिएको थियो । नगरको आयोजना तथा लमहीका संघ÷संस्थाको सहभागीतामा बजार सरसफाइ गरिएको छ ।