खोज

घोराही तुलसीपुर सडकखण्डमा पर्ने मोतीपुर सोतामा गतवर्ष साउनमा आएको बाढिले वगाएको कल्र्भट निर्माणका लागि टेण्डर आह्वान भएको छ । गतवर्ष आएको बाढिले भत्काएको कल्भर्ट करिब १ वर्षपछि टेण्डर आव्ह्वान गरिएको हो ।
लमही, घोराही, तुलसीपुर राजमार्ग अन्र्तगत तुलसीपुर ६ हात्तिखौवाको कल्र्भट नहुदा यातायात ब्यवसायी तथा सवारी साधन प्रयोगकर्ताहरूले सास्ती खेप्दै आएका थिए । उक्त स्थानमा कल्र्भट नहुँदा यातायात आवागमन एकतर्फि बनाईएको छ । गतवर्ष साउन २७ गतेको वाढिले घोराही तुलसीपुर सडकखण्डको मोतीपुरमा कल्भर्ट बगाउदा यातायात सेवा केही दिन बन्द समेत भएको थियो । तुलसीपुर उप महानगरपालीका ६ को मोतीपुर सोतामा आएको वाढिले उक्त कल्भर्ट वगाएको थियो ।
कल्र्भट बगाएको एक वर्ष पुग्दा पनि सम्वन्धीत पक्षले कल्र्भट बनाउन ढिलाई गरेको सडक डिभिजन कार्यालयले एकतर्फी आवागमनको लागि होडिङ वोर्ड समेत राखेको छ । एकतर्फि आवागमन हुँदा सडकमा जामहुने गरेको सवारी चालकहरू बताउछन् । घोराही तुलसीपुर सडकखण्डमा चल्ने सवारी चालक केशव वलीका अनुसार अहिले पनि त्यो ठाँउमा गाडि चलाउदा अफ्ठेरो हुनेगरेको छ । सडकको लेवल नमिलेको र एकतर्फी मात्र वाटो सञ्चालन गर्दा जाममा पर्ने गरेको उनको भनाई छ । “अहिले सडक डिभिजन कार्यालयले टेण्डर खोलेको सुनेको छु, तर कहिले बन्ने हो थाहा छैन” वलीले भने । दाङका खोलामा बन्दै गरेको पुल हुन् या चार लेनको सडक कुनै पनि समयमा नवनेका कारण उक्त कल्र्भट पनि समयमा बन्नेमा सवैले आशंका गरेका छन् । “दाङमा निर्माण हुन लागेका काम कुनैपनि समयमा सम्पन्न भएका छैनन् यो पनि कति वर्ष लाग्ने हो” अर्का सवारी चालक सुमन पोख्रेलले भने । वर्षादको समयमा सञ्चालन गरिएको एकतर्फी वाटोमा एकवर्षपछि कल्र्भट निर्माणका लागि टेण्डर खुला गरिएको छ । डिभिजन सडक कार्यालय दाङका प्रमुख वद्रीप्रसाद शर्माका अनुसार टेण्डरको प्रक्रिया पुरा हुनासाथ बाटोमा कल्भर्ट निर्माणको काम अगाडि वढाइने वताउछन् । “टेण्डरको प्रक्रिया पुरा भएपछि तत्काल हामीले काम सुरु गर्छाै” शर्माले भने । उनले टेण्डरको सम्पूर्ण प्रक्रिया दशै अगाडि सुरु गरेर तत्काल काम अगाडि वढाइने जानकारी समेत दिए । गतवर्ष आएको बाढीले कल्भर्ट वगाउँदा तुलसीपुर उप महानगरपालिकाको पहलमा अस्थायी रूपमा ह्युमपाईप राखेर बाटो सुचारु गरिएको थियो । भत्किएको एक वर्ष वित्दा सम्म सडक डिभिजन कार्यालयले बजेट अभावको कारण देखाउदै उक्त सडक मर्मतको लागि काम गरेन भने स्थानीय सरकारले राजमार्गमा आफुले लगानी गर्न नपाउने भएकोले केन्द्र सरकारको मुख ताक्नुपर्ने बताउदै आएको थियो । “केन्द्रको मातहतमा भएकाले हामीले निरन्तर दवाव दिएपछि मात्रै निर्माण प्रक्रिया अगाडि वढ्ने भएको हो” नगरप्रमुख घनश्याम पाण्डेले भने । उनले उप महानगरपालिकाको खवरदारीका कारण निर्माण कार्य अगाडि वढ्न सकेको जिकिर गरे ।
कल्भर्ट निर्माण नहुँदा तुलसीपुर उप महानगरपालिकाप्रति जनताको आलोचना वढ्दै गएपछि नगरप्रमुख पाण्डेले पछिल्लो समय पहलकदमी लिएर निर्माणको काम अगाडि वढाउन दवाव दिएका हुन् । कल्र्भट निर्माणका लागि दवाव दिएको बताउदै मेयर पाण्डेले समयमै काम सक्न पनि दवाव दिने बताए ।