खोज

कर्णाली प्रदेशको राजधानी सुर्खेतमा एकहप्ता अगाडि मात्रै हांजीर भएका जिल्ला प्रशासन कार्यालयका प्रमुख वीरेन्द्रकुमार यादब र जिल्ला प्रहरी कार्यालय सुर्खेतका प्रमुख बसन्त रजौरले विशुद्ध सेवा गर्ने प्रतिबद्धता व्यक्त गरेका छन् ।
आईतबार आयोजीत पत्रकारहरूसंग परिचयात्मक कार्याक्रममा बोल्दै उनीहरूले यस्तो बताएका हुन् । कार्यक्रममा बोल्दै जिल्ला प्रहरी कार्यालय सुर्खेतका प्रमुख बसन्त रजौरले भने ‘ सुर्खेतमा विशुद्ध सेवा गर्न आएको हो । विशुद्ध सेवानै गरेर जान्छु ।’ सुर्खेतमा आत्माहत्या, जुवातास र लागुऔषध प्रयोगकर्ताको बिगविगी भएकोले यसलाई नियन्त्रण गर्नको लागी जिल्ला प्रहरी कार्यालयले भुमीका खेल्ने भन्दै प्रहरी प्रमुख रजौरले यसमा सबैले साथ दिन आग्रह गरेका छन् ।
उनले थपे ‘सुर्खेतका जनताले सास्ती पाउने गरी कुनै पनी किसीमको कार्य जिल्ला प्रहरी कार्यालय सुर्खेतले गर्ने छैन । तर यसो भनिरहँदा कानुन विपरित काम गरे कानुनले क्षम्य कसैलाई पनी गर्नेछैन ।’ भदौ १ गतेदेखी लागु भएको नयाँ कानुनबारे जनतालाई सचेतना कार्यक्रमहरू समेत गरेर सचेत गराउने काम जिल्ला प्रहरी कार्यालय सुर्खेतले गर्ने रजौरको भनाई रहेको थियो ।
त्यस्तै कार्यक्रममा बोल्दै जिल्ला प्रशासन कार्यालय सुर्खेतका प्रमुख विरेन्द्रकुमार यादबले सुर्खेत जिल्ला मात्रै नभएर कर्णाली प्रदेशको समेत राजधानी भएकोले यहांको शान्तिसुरक्षा जटिल भएको बताएका छन् । उनले भने ‘जिल्लामा गरिने शान्ति सुरक्षाको तुलनामा राजधानीका लागि विशेष सुरक्षाको व्यवस्था गर्नुपर्दछ । त्यसको लागी जिल्ला प्रशासन कार्यालय सकारात्मक छ ।’ सुर्खेतमा अब एक हप्ताभित्रै ईलाका प्रशासन सञ्चालन हुंने जानकारी समेत जिल्ला प्रशासन कार्यालय सुर्खेतका प्रमुख यादबले दिएका छन् ।
सुर्खेत जिल्लामा आर्थिक वर्ष २०७४÷७५ मा २३ वटा जवरजस्ती करुणीका घटना दर्ता भएका छन् । जिल्ला प्रहरी कार्यालय सुर्खेतका प्रहरी निरिक्षक शंकर श्रेष्ठका अनुसार ९ वटा घटना जवरजस्ती करुणी उद्योगका रहेका छन् । भने २३ वटा घटना जबरजस्ती करुणीका रहेका छन् । त्यस्तै आर्थीक वर्ष २०७४÷०७५ मा जवरजस्ती करुणी पछि सुर्खेतमा दुई जनाको हत्या भएको समेत निरिक्षक श्रेष्ठले बताएका छन् । उनले भने ‘पञ्चपुरी २ की गीता चपाई र पञ्चपुरी ३ की गोरीकला रोकायलाई जवरजस्ती करुणी गरी हत्या गरिएको थियो ।’ प्रहरी निरिक्षक श्रेष्ठका अनुसार जिल्ला प्रहरी कार्यालय सुर्खेतमा दर्ता भएका सबै मुद्धाहरूमा कारबाहीको प्रक्रिया अगाडि बढाईसकिएको छ ।