खोज

प्रदेश ५ का सामाजिक परिचालकहरू सडक संघर्षमा उत्रिएका छन् । सरकारलाई दिएको ५ दिने अल्टिमेटममा आफूहरूको मागको बारेमा कुनै सम्बोधन नभएपछि शुक्रबार सडकमा उत्रीएर ¥याली आयोजना गरेका हुन् ।
प्रदेश ५ का १२ वटै जिल्लाका ७ सय जना सामाजिक परिचालकहरू आन्दोलनमा उत्रिएको आन्दोलन परिचालन कमिटिकी संयोजक कल्पना खनालले जानकारी दिइन् । उनका अनुसार देशभरका सातवटै प्रदेशमा उनीहरूले आन्दोलन चर्काउन शुरु गरिएको हो ।
बुटवलमा बिरोध ¥याली सहित कोण सभा समेत गरेको छ । नेपाल सरकारले ९ बर्षदेखि काम गर्दै आएका देशभरका सामाजिक परिचालकहरूलाई असार महिनाबाट पदमुक्त गरको भन्दै पुन काम गर्ने वातावरणको उनीहरूले मागेका हुन् । उनीहरूले साउन २० गते बुटवलमा पत्रकार सम्मेलन गरि चरणबद्ध आन्दोलनका कार्यक्रम घोषणा गरेका थिए । सरकारको सम्पूर्ण सेवा सुविधा उपलब्ध गराई हाललाई कार्यालय सहायक पदमा म्याद थप गरी निरन्तरता दिनुपर्ने र योग्यताको आधारमा एक पटक उमेरको हद नलाग्ने गरी दरबन्दी सृजना गरी स्थानीय तह कर्मचारीमा समायोजन गर्न पर्ने संघकी प्रदेश ५ संयोजक रोमा क्षेत्रीको भनाइ छ ।
विगत ८, ९ बर्ष देखि निरन्तर देशमा जनप्रतिनिधि नभएको समयमा जनप्रतिनिधको दायित्वबोध गर्दै काम गरेको तर अहिले जनप्रतिनिधि आएपछि आफूहरूलाई हटाउन खोज्नु षड्यन्त्र भएको प्रदेशका सचिव टोप बहादुर घर्तीले बताए ।à