© २०२३
७ बैशाख २०८२, आईतवार
७ बैशाख २०८२, आईतवार
काठमाडौं ।
यू १९ विश्वकप एसिया छनोटअन्तर्गत घरेलु मैदानमा भएको खेलमा नेपालले ओमानविरुद्ध ८ विकेटको सहज जित दर्ता गरेको छ । ५ देश सहभागी प्रतियोगितामा नेपालको यो दोस्रो जित हो ।
ओमानले दिएको ११८ रनको झिनो लक्ष्य नेपालले १४.३ ओभरमै दुई विकेट गुमाएर भेट्टायो ।
पहिलो विकेटका लागि निरज यादव र साहिल पटेलले ८५ रनको साझेदारी गरेपछि नेपाललाई लक्ष्यसम्म पुग्न कुनै कठिनाइ भएन । निरजले २९ बलमा ४५ रन बनाए भने साहिलले २५ बलमा ३१ रन जोडे । कप्तान नरेन भट्ट १२ रन र सन्तोष यादव १० रनमा अविजित रहे ।
यसअघि टस जितेर बलिङ रोजेको नेपालले ओमानलाई ११७ रनमै अलआउट गरेको थियो । नेपालका बलर युवराज खत्री एक्लैले ५ विकेट लिएपछि ओमानको ब्याटिङ धराशयी बन्यो । ओमानका लागि जित ब्रजेस साहले एक्लै संघर्ष गर्दै ५२ रन बनाए । अन्य ब्याटरले उल्लेख्य रन जोड्न सकेनन् ।
© २०२३
सर्वाधिकार सुरक्षित
Design & Developed By:
