खोज

सल्युट गोर्खा टेडिङ्ग सेन्टरको अयोजानमा बुटवलमा सकरात्मक सोँच तालिम प्रदान गरिएको छ । टेडिङ्ग सेन्टरमा व्रिटिस आर्मि र सिंगापुर पुलिसको लागि तालिमरत रहेका प्रशिक्षार्थीहरुलाई उक्त तालिम प्रदान गरिएको बुटवल शाखा व्यवस्थापक लोकेश थापाले जानकारी दिए । उनका अनुसार खासगरी अन्तरवार्ताको बेला के कसरी प्रस्तुत हुने, आफुलाई कसरी फिजिकल र मेन्टली फिट राख्ने भन्ने विषयमा यु.के बाट आएका प्रशिक्षक एक्स आर्मि एसजिआर माईकल न्युटनले सहजीकरण गरेका थिए । अर्का शाखा व्यवस्थापक विनोद थापाका अनुसार तालिममा करिव १ सय भन्दा प्रशिक्षार्थीहरुको सहभागीता रहेको थियो । दुई दिन सम्म चल्ने तालिममा प्रशिक्षार्थीहरुको मनोवल उच्च राख्ने उपायको बारेमा सल्युट गोर्खाका अध्यक्ष राहुल पाण्डे, बाग्लुङ्ग शाखा व्यवस्थापक मनिस रायमाझी लगायतले पनि सहजीकरण गरेका छन् । वि.स. २०६५ सालमा स्थापान भएको उक्त टेनिङ्ग सेन्टरका पोखरामा मुख्य कार्यालय र बुटवल, दाङ्ग, काठमाण्डौ र बाग्लुङ्ग जिल्लामा शाखा रहेका छन् । अर्को बर्ष देखि महिलाहरुलाई पनि ब्रिटिसमा भर्ना हुन पाउने भएको कारण दाङ्ग शाखामा करिव २० जना महिलाहरुले समेत तालिमरत रहेको जनाइएको छ ।