खोज

छिल्लो समयमा केक काटेर जन्मोत्सव मनाउने परम्परा बढ्दै गएका बेला गाउँपालिकाका अध्यक्षले नयाँ कामको सुरुवात गरेका छन् । बगनासकाली गाउँपालिकाका अध्यक्ष कृष्णप्रसाद बस्यालले आफ्नो ४७ औं जन्मोत्सवका अवसरमा फलफूलका विरुवा रोपण गरेर नौलो कार्यको सुरुवात गरेका हुन् । अध्यक्ष बस्यालले बुधबार गाउँपालिकाको कार्यालयमा कर्मचारी , जनप्रतिनिधिहरुको उपस्थितीमा आँप, लिचि, अमला लगायतका आठ प्रकारका फलफूल रोपण गरेका छन् । राष्टिय नीति अनुरुप एक नेपाली एक फलफूल विरुवा रोपण अभियान अन्र्तगत फलफूल रोपण गरेको अध्यक्ष बस्यालले बताए । जनप्रतिनिधिका रुपमा आइसके पछि बस्यालले बगनासकाली गाउँपालिका र अन्य क्षेत्रको सामाजिक र विकास निर्माणका कार्यमा सक्रियता देखाएका छन् । जन्मोत्सवका बेला निकै तामझामका साथ फर्जुल खर्च गर्दै आएकाहरुका लागि एउटा गतिलो उदाहरण बन्न सकेका छन् अध्यक्ष बस्याल । समाजमा देखा परेका विकिृतिहरुलाई निरुत्साहित गर्नका लागि आफुले नयाँ र रचनात्मक कामको थालनी गरेको अध्यक्ष बस्यालले बताए । नेपाली समाज एक अर्कोको देखासिखीमा अगाडि बढीरहेकोमा चिन्ता व्यक्त गर्दैै अध्यक्ष बस्याले आफ्नो औगात र हसियत अनुसार परम्पारगत संस्कृती मनाउनु पर्ने बताउँछन् । जन्मोत्सवमा हर्सोउल्सा गरी मनाइने भए पनि समाजमा केही न केही रचनात्मक काम गरेर मनाउनुपर्ने अध्यक्ष बस्यालको धारणा रहेको छ ।