खोज

कपिलवस्तु नगरपालिका वडा नम्बर १२ बेलभरियामा नेपाल सरकारको नाममा रहेको जग्गा व्यक्तिले कब्जा गरेको समाचार प्रकाशन भए लगत्तै कपिलवस्तु नगरपालिकाले सो बिषयमा आवश्यक कारवाही शुरु गरेको छ । साउन १४ गतेको बुटवल टुडे राष्ट्रिय दैनिकले “सरकारी जग्गा कब्जा” शिर्षकमा सो समाचारलाई प्रमुखताका साथ समाचार प्रकाशन गरेको थियो । समाचार प्रकाशन भए पश्चात कपिलवस्तु नगरपालिकाले स्थानिय सहितको सर्वपक्षिय बैठक गरि जग्गा कब्जा बारे आवश्यक अनुसन्धानका लागी कपिलवस्तु नगरपालिकाका प्रमुख प्रशासकिय अधिकृत बिमलराज आचार्यको नेतृत्वमा स्थलगत निरिक्षणका लागी टोली गठन गरेको छ । टोलीले स्थलगत अनुगमन पश्चात टोलीले सो को प्रतिबेदन पेश गर्ने निर्णय गरेको छ । त्यसै गरि छलफलमा सो सरकारी जग्गा भित्र बिगत देखी रहेको मुस्लिम समुदायको कर्बलामा दैनिक बिहान बेलुका निर्बिबाद रुपमा पुजा आजा गर्न दिने, नगरपालिकाको संरक्षणमा रहेको सो क्षेत्रको अतिक्रमण रोक्ने र कुनै पनि संरचना निर्माण हुन नदिने निर्णय गरिएको छ । जग्गा अतिक्रमण गरेका हजरत अलिी गद्दिले समेत आफुले कर्बलामा धार्मिक आस्थाका आधारमा पुजा पाठ गर्ने बाहेक कुनै पनि अतिक्रमण नगरि सार्वजनिक जग्गा संरक्षणमा सहयोग पुर्याउने भन्दै निर्णयमा समर्थन जनाएका छन ।
यस अघि बेलभरियामा नेपाल सरकारका नाममा रहेको करिब ५ बिगहा जग्गा दशकौ देखी व्यक्तिले कब्जा गरेको खुलासा भएको समाचार प्रकाशन भएको थियो । बेलभरियाको बन बयर उल्लेख गरिएको कित्ता नम्बर ८८७ र ९९६ को नेपाल सरकारको नाममा रहेको ५२ बिगहा प्रर्ति जग्गा मध्य ५ बिगहा बढि जग्गाको क्षेत्रफलमा स्थानिय हजरत अली गद्दिले अतिक्रमण गरेको स्थानियले आरोप लगाएका थिए । सो सगै निजले बिना स्विकृतीको पक्की भौतिक संरचना निर्माण गरेको भेटिएको थियो । निज गद्दिले मुस्लिम समुदायले प्रयोग गर्दै आएको करवलाको संरक्षण गर्ने भन्दै २०६९ चैत्र २१ गते हजरत करवला संरक्षण समिती दर्ता गराई जग्गा कब्जा गर्दै आउका थिए भने सो क्षेत्रको १३ हेक्टर जग्गामा बृहत बृक्षारोपण गरेको भए पनि गद्दीले ति बिरुवाहरु मासेर जग्गा अतिक्रमण गरेको खुल्न आएको थियो ।