खोज

कर्णाली प्रदेश सभा सभामुख राजबहादुर शाहिले तालीमका सहभागी संगै चार घण्टा बिताएका छन् । संसदिय मामीला पत्रकार समाज कर्णाली प्रदेशले आयोजना गरको दुई दिने संसदिय रिपोर्टिङ् सम्बन्धि क्षमता अधिवृद्धि तालीममा प्रमुख अथितीको रुपमा सहभागी भएका शाहि पत्रकार संगै केहि सिक्ने भन्दै चार घण्टा बसेका हुन् । पत्रकार संगै संसदिय मामीला सम्बन्धि ज्ञान आंफुले पनी सिक्ने र व्यवसायीक पत्रकारिता गरिरहेका पत्रकारहरुको सम्मानका लागी आंफु तालीम अवधिभर सहभागीसंगै बसेको सभामुख राजबहादुर शाहिले बताएका छन् । उनले भने ‘ सिक्ने र सिकाउने कुरामा सानो र ठुलो पद भन्ने हुंदैन । म आंफु सिक्नको लागी पनी तालीममा बसेको हुं । अर्को कुरा व्यवसायिक पत्रकारिता गरिरहेका पत्रकारहरुको सम्मानको लागी पनी म तालीम अवधिभर सहभागी संगै बसेको हुं । ’ उनले थपे ‘संसदभित्रका गतिविधीलाई बाहिर ल्याउनमा पत्रकारहरुको ठुलो भुमीका हुन्छ । त्यसमा कर्णाली संसद संवेदनशिल छ ।’ कार्यक्रमको प्रमुख अथिती समेत रहेका शाहिले कार्यक्रमको उद्घाटन गर्दै कर्णाली प्रदेश सभा संसदको सम्पुर्ण गतिविधि कर्णालीका जनताले छर्लङ्ग देखीनेगरी जान्न पाउने समेत बताएका छन् ।
त्यस्तै कार्यक्रममा बोल्दै प्रमुख प्रतिपक्ष दल नेपाली कांग्रेस तर्फका सांसद हिमबहादुर शाहिले राजनिति र पत्रकारिता एकअर्काका पुरक भएको बताएका छन् । उनले भने‘ समाज परिवर्तन गर्ने हैसीयत पत्रकारितामा छ । जनताका माझमा मिठो भाषण दिने र तर जनताको आवश्यकता संग तत्परता नदेखाउने गलत राजनितिलाई पत्रकारिताका माध्यमबाट ठिक पार्न सकिन्छ । ’ दुईदिन सम्म सञ्चालन हुने तालीममा नेपाल पत्रकार महासंघ केन्द्रका पुर्व सचिब जगत नेपाल र संसदिय मामीला पत्रकार समाज केन्द्रका पुर्व महासचिब शुसिल पन्थ प्रशिक्षकका रुपमा रहेका थिए । कार्यक्रममा कर्णाली प्रदेशको राजधानी विरेन्द्रनगरमा बसेर निरन्तर रुपमा कर्णाली प्रदेश संसदको निरन्तर रिपोर्टिङ् गरिरहेको करिब ३० जना पत्रकारहरुको सहभागीता रहेको थियो । कार्यक्रम कर्णाली प्रदेश सभाका सभामुख राजबहादुर शाहि, संसदिय मामिला पत्रकार समाज कर्णाली प्रदेश का अध्यक्ष शेरबहादुर थापा लगायतले बालेका थिए ।