खोज

तुलसीपुर उप–महानगरपालिकाले तुलसीपुर हरित अभियान अन्तर्गत बजारको ख लाइनमा कल्कीका बोटहरु लगाएको छ । कल्कीका बोटको लाइनका रुपमा विकास गर्नका लागि पुरै लाइन भरि कल्कीका वोट लगाईने वातावरण तथा विपद् व्यवस्थापन समितिका संयोजक नवराज लामिछानेले वताए । उनले तुलसीपुरका पुरै लाइनमा विभिन्न प्रजातिका वोटहरु लगाइने पनि जानकारी दिए ।
तुलसीपुरलाई सफासँगै हरियाली वनाउने अभियानलाई सबैले सहयोग गर्नुपर्ने अभियानकर्ता विमल रिजालले वताए । उनले विरुवा लगाउनुका साथै त्यसको संरक्षणमा पनि जोड दिनुपर्ने आवश्यकता रहेको कुरामा जोड दिए । अभियान अन्तर्गत ख लाइनमा ४० वटा कल्कीका वोटहरु लगाईको छ । कल्कीका वोटहरुलाई जोगाउनका लागि विभिन्न जालीका लागि तुलसीपुर नगर जेसिज, रोटरी क्लव, रोट्रयाक्ट क्लव लगायतले सहयोग गरेका छन् । विरुवाको संरक्षणका लागि शान्ती नमुना टोलले जिम्मेवारी लिने अध्यक्ष मदन धितालले वताए । उनले उप महानगरपालिकाले नमुना काम गरेको भन्दै हरेक टोल विकास संस्थाले सहयोग गर्नुपर्ने कुरामा जोड दिए ।
हाम्रो तुलसीपुर राम्रो तुलसीपुर अभियानको १०२ औ श्रृखला अन्तर्गत फोहोर गर्ने १५ घरधनीहरुलाई चेतावनी समेत दिइएको थियो । कार्यक्रममा वडा नम्वर ५ का वडाध्यक्ष विरेन्द्र शाह, तुलसीपुर उद्योग वाणिज्य संघका अध्यक्ष विरु रावत, तुलसीपुर नगर जेसिजका अध्यक्ष दिपेश भण्डारी, रोटरी क्लव अफ तुलसीपुर सिटीका अध्यक्ष राजेन्द्रकुमार श्रेष्ठ, रोट्रयाक्ट क्लवका रुपेश शर्मा लगायतले तुलसीपुरलाई हरित नगरका रुपमा विकास गर्न सबै नागरिकको जिम्मेवारी भएको वताएका थिए ।