खोज

नेपाली कांग्रेसले मंगलबार भैरहवामा बिरोध कार्यक्रम गर्ने जनाएको छ । संविधानको रक्षा तथा यसको कार्यान्वयनको माग राख्दै कांग्रेसले बिरोध सभा गर्ने जनाएको हो ।
नेपाली कांग्रेस जिल्ला कार्य समिति रुपन्देहीले भैरहवामा पत्रकार सम्मेलनको आयोजना गर्दै बिरोधको कार्यक्रम सार्वजनिक गरेको हो । पत्रकार सम्मेलनमा बोल्दै नेपाली कांग्रेसका जिल्ला सभापति अब्दुल रज्जाकले संविधानको रक्षा र यसको कार्यान्वयन आफ्नो मूल माग रहेको बताए ।
यसको साथै अहिलेको बाम सरकार अधिनायकवाद तर्फ उन्मुख भएको, महङ्गी, करवृद्धि स्वतन्त्र न्यायलय र प्रेस स्वतन्त्रता लगातका माग राख्दै आन्दोलन गरिएको उनले बताए ।संवैधानिक ब्यवस्था अनुसार एउटै पार्टीबाट सभामुख र उपसभामुख हुन नपाउने ब्यवस्थालाई अहिलेको बाम सरकारले लत्याएको भन्दै उनले तत्काल संविधानको पालना गर्न बाम सरकारलाई आग्रह गरे । नेपाली कांग्रेसकै सरकारमा संविधानको निर्माण तथा यसको कार्यान्यवन भएकोले कांग्रेसलाई संविधानको माया रहेको रज्जाकको जिकिर थियो ।
कांग्रेसले मंगलबार दिउसो १२ बजे भैरहवाको बुद्धचोकबाट बिरोध र्यालीको आयोजना गर्ने जनाएको छ । नगर परिक्रमा पश्चात भैरहवाकै मिलनचोकमा कोण सभाको समेत आयोजना गरिने र सो कोण सभामा नेपाली कांग्रेसका मूख्य सचेतक बालकृष्ण खाँण लगायतका नेताहरुले सम्बोधन गर्ने कार्यक्रम रहेको जिल्ला सचिव रामकृष्ण खाँणले जानकारी दिए । कार्यक्रममा सम्पूर्ण पिडित जनतालाई भाग लिन पार्टीले अपिल गरेको छ