खोज

जिल्ला वन कार्यालय गुल्मीले जिल्लामा उत्कृष्ट काम गर्ने वन उपभोक्ता समितिहरुलाई पुरस्कृत गरेको छ । गुल्मीमा प्रत्यक वर्ष सामुदायीक वनको संरक्षण र व्यवस्थापनमा उत्कृष्ट काम गर्ने समूह उपभोक्ताहरुलाई उनीहरुले गरेको कार्यप्रगतिको आधारमा कार्यालयले पुरस्कृत गरेको हो । पुरस्कृत भएका सामुदायीक वन, कवुलीयती वन र निजी वन धनिलाई प्रथम द्वितीय र तृतीय गरि रु ३ हजारदेखि पन्ध्रहजार सम्म नगद र प्रशंसापत्र सहित सम्मान गरिएको जिल्ला वन कार्यालय गुल्मीमा प्रमुख कृष्णराज न्यौपानेले बताएका छन् । जिल्लामा रहेका ४ सय ५० सामुदायीक वन, ८ वटा कवुलीयती वन र १४ वटा निजी वन मध्यवाट छनोट गरि उनीहरुलाई पुरस्कृत गरिएको न्यौपानेले बताए ।
जिल्ला वन कार्यालयवाट पुरस्कृत हुने सामुदायीक वनहरु मध्यवाट ईस्मा गाउँपालीका १ अन्र्तगत वसेनी सामुदायीक वन प्रथम भएको छ भने गुल्मी दरवार गाउँपालीका ४ अन्र्तगत रुन्खा सिलाजी सामुदायीक वन दोश्रो र मदाने गाउँपालीका १ अन्र्तगत वसिनाको सोरेक सामुदायीक वन तेश्रो बनेका छन् । कवुलीयति वन उपभोक्ता समिति अन्र्तगत प्रथम हुनेमा मदाने गाउँपालीका २ स्थीत उदिनढुंगा कवुलीयति वन, दोश्रो हुनेमा सोही गाउँपालीका अन्र्तगत वाकलढुंगा र तेश्रो हुनेमा खतौरे कवुलीयति वन रहेका छन् ।
जिल्ला वन कार्यालयले वन डढेलो नियन्त्रणमा उत्कृष्ट भुमिका निर्वाह गर्ने रेसुंगा नगरपालीका अन्र्तगत रेसुंगा सामुदायीक वन उपभोक्ता समितिलाई पन्ध्र हजार नगद सहित पुरस्कृत गरेको छ । त्यसैगरि मदाने गाउँपालीका ४ अन्र्तगत नौलापानी खहरे सामुदायीक वन र धुर्कोट गाउँपालीका ७ अन्र्तगत धाराखोली बलेसल्ला सामुदायीक वन उपभोक्ता समितिलाई समेत कार्यालयले पुरस्कृत गरेको छ ।
निजी वन अन्र्तगत सत्यवती ७ भार्से निवासी धन बहादुर पुनलाई उत्कृष्ट निजी वनधनि पुरस्कारवाट पुरस्कृत गरिएको छ । पुनले ७७ रोपनी नीजि जग्गामा विगत एक दशकदेखि अगरउड प्रजातीको शुरुवात गर्दै आईरहेका छन् । जिल्ला वन कार्यालयले वन संरक्षण, व्यवस्थापन, लक्ष्छीत वार्षिक कार्य सम्पादन, कार्यालय व्यवस्थापन, कार्य प्रगति प्रतिवेदन र समुह उपस्थीति लगायतका विभिन्न सूचकहरुको आधारमा उत्कृष्ट छनोट गरि उनीहरुलाई पुरस्कृत गरिएको जिल्ला वन कार्यालयकी रेन्जर निशा दुलालले जानकारी दिएकी छन् ।