खोज

अकाल मृत्यु हुनबाट मानिसलाई बचाउन रगत सकंलन अति महत्वपुर्ण कार्य रहेको नेपाल स्वयंसेवि रक्तदाता समाज रुपन्देहीका अध्यक्ष कृष्ण चौहानले बताएका छन् । उनले रगतको अभाव कसैलाई नहोस् भन्ने हेतुले नेपाल स्वयंसेवी रक्तदाता समाजको गठन प्रक्रिया बिभिन्न स्थानमा हुनुपर्ने बताए । नेपाल स्वयंसेवी रक्तदाता समाज देवदह शाखाले आयोजना गरेको पत्रकार सम्मेलनमा बोल्दै उनले उक्त कुरा बताएका हुन् । कार्यक्रममा नेपाल भारत मैत्री संघका केन्द्रिय उपाध्यक्ष बासुदेव रिमाल, नेपाल रेडक्रस सोसाइटी देवदह शाखाका निर्वतमान अध्यक्ष गोपालप्रसाद ढकाल, देवदह वडा नं ६ का वडा अध्यक्ष दामोदर क्षेत्री, देवदह साप्ताहिकका प्रधान सम्पादक रामबहादुर गुरुङ्ग, लगायतले बोल्दै संस्थाको गठन प्रक्रिया भन्दापनि संस्थालाई बचाई राख्नु महत्वपुर्ण कुरा रहेको उल्लेख गरेका थिए । सोही अवसरमा नेपाल स्वयंसेवी रक्तदाता समाज देवदह शाखाले समाजसेवी विजय गुरुङ्गको अध्यक्षतामा नयाँ कार्यसमिती चयन गरेको छ । जसको उपाध्यक्षमा बालकृष्ण रिमाल, सचिवमा केशव पराजुली, कोषाध्यक्षमा सचिन पंगेनी, सह–सचिवमा राजेन्द्र न्यौपाने छन् । त्यसैगरी सदस्यहरुमा सरस्वति बस्याल, कमला अर्याल, सुरज बस्याल, विनोद बिक, विष्णु न्यौपाने, धर्मराज ढकाल र केशव अधिकारी रहेका छन् । त्यसैगरी समितिले नेपाल रेडक्रस सोसाइटी देवदह शाखाका निर्वतमान अध्यक्ष गोपालप्रसाद ढकाल संयोजक रहेको सल्लाहकार समिति चयन गरेको छ । जसको सदस्यहरुमा बासुदेव रिमाल, दामोदर क्षेत्री, खुमप्रसाद भण्डारी, नरबहादुर गुरुङ्ग, विष्णु न्यौपाने, देव न्यौपाने, प्रमोद खनाल, शिव ढकाल, यमलाल भट्टराई र दिननाथ तिमिल्सिना रहेका छन् । यसैगरी नेपाल स्वयंसेवी रक्तदाता समाज देवदह शाखामा आजिवन, मानार्थ र संस्थापक गरी तिन किसीमका सदस्यहरु रहने समाजका अध्यक्ष विजय गुरुङ्गले बताए । उनले यहि साउन १८ गते बृहत रक्तदान गरिने समेत जानाकारी दिए ।