खोज

सुन–हेर्दा पहेंलो र चिटिक्क देखिए पनि त्यसभित्रको कालो धन्दाले प्रहरीलाई हैरान बनाएको छ । अझ नियम कानून भित्र रहेर व्यापार गरिरहेका सुनचाँदी व्यवसायी नै यस्तो धन्दामा लागेको पाइएपछि अपराध नियन्त्रणमा प्रहरीलाई चुनौती थपिएको छ ।

यस्तो कालो धन्दाको टान्जिट पश्चिममा नेपालगञ्ज बन्न पुगेको छ । दाङ्ग तथा काठमाण्डौंबाट नेपालगञ्ज तर्फ गैरकानुनी रुपमा सुन ओसारपसार भइरहेको गोप्य सूचनाको आधारमा भदौ दोस्रो साता आन्तरिक ट्रयासिङ्ग (पत्ता लगाउने) क्रममा बाँके प्रहरीले नेपालगञ्ज एयरपोर्टबाट ४.२१.४९ केजी सुन सहित २ जनालाई पक्राउ गरेपछि पहेंलो सुनभित्रको कालो धन्दा सार्वजनिक भएको हो ।

काठमाण्डौंबाट नेपालगञ्जका लागि उडेको श्रीएयलाइन्सको फलाइट नम्बर ४३३ नम्बरको पेलेनबाट शुक्रबार दिउसो २ बजे नेपालगञ्ज एयापोर्टमा अवतरण पछि बाहिर निस्कने क्रममा गोप्य सूचनाको आधारमा पिछा गरिरहेको प्रहरीले शंकास्पद २ जना ब्यक्तीलाई नियन्त्रणमा लिएर चेकजाँच गरेको थियो ।

उक्त घटनामा पक्राउ परेका मोरङ्ग साबिकको लेटाङ्ग गाविस वडा नम्बर २ घर बताउने बर्ष २८ को बुद्दिमान खाती र झापा खादुनावारी गाविस वडा नम्बर ६ अमिर लगुन (वि.क.) को जहाज अवतरण गरेको आधा घण्टा पछी करिव २ः३० बजे को समयमा ति ब्यक्तीहरुले शंकास्पद गतिविधी गरेकाले नेपालगञ्ज एयरपोर्ट बाहिरबाट नियन्त्रणमा लिएर प्रहरीले खानतलासी एसपी श्याम कृष्ण अधिकारीले बताए ।

खानतलासी गर्दा अमिर लगुनले लगाएको दाँया बाँया जुत्तामा लुकाएर राखेको २÷२ वटा सुनका विस्कुट र बुद्दि मानले लगाएको दाँया बाँया जुत्ता भित्र १÷१ पिस गरी जम्मा ६ थान गरि ३.९९४ केजी काँचो सुन र खातीले बोकेको लेदरको झोला चेकजाँच गर्दा झोलावाट तिलहरी १ थान, बाला १ थान, लकेट ५ थान गरि २७.४९ ग्राम गरी जम्मा ४.२१.४९ केजी सुन बरामद भएको थियो ।

गैर कानुनी सुन काण्ड मिलाउन सुनचाँदी व्यवसायी मार्फत मिलावटी विल बनाएर कुराकानी मिलाउने षडयन्त्र भइरहेको छ ।

प्रहरीले पक्राउ गरेको सुन आवश्यक कार्वाहीका लागि कोहलपुरस्थित राजश्व अनुसन्धान कार्यालयमा पठाउने गरेको छ । उक्त घटनाका विषयमा आन्तरिक राजश्व कार्यालय कोहलपुरले अनुसन्धान गरिरहेको प्रमुख अनुसन्धान अधिकृत सरोज पोख्रेलले बताए ।

पछिल्लो एक वर्षभित्र नेपालगन्जमा मात्र दुईवटा ठुला बैकिङ्ग कसुरका घटना भए । दुवै घटनामा सुनचाँदी व्यवसायसंग सम्बन्धित छ । गत वर्ष बैंकमा नक्कली सुन धितो राखेर रकम निकाल्ने गरिएको एउटा अपराधको घटनामा अदालतले आरोपीलाई धरौटीमा रिहा गर्न आदेश दिएको थियो ।

यो घटना हो, सिटिजन्स् बैंकको । उच्च अदालत तुलसीपुर, नेपालगन्ज इजलासले सिटिजन्स बैंक इन्टरनेशनल लिमिटेडको नेपालगन्ज शाखामा नक्कली सुनका गहना धितो राखी फर्जी कागज बनाएर बैंकको ३ करोड २७ लाख घोटालामा संलग्नताका ७ जना अभियुक्त संग जनही २५÷२५ लाख धरौटीमा रिह ागर्न आदेश दिएको थियो । न्यायाधीश विष्णुदेव पौडेल र ऋषि अधिकारीको संयुक्त इजलासले दुई महिनादेखि थुनामा रहेका ७ जनालाई धरौटी माग गर्यो ।

बैंकका कर्मचारीको मिलेमतोमा बैंकलाई हानी नोक्सानी पुग्नेगरि ब्यापारीहरुबाट अनुचित फाइदा दिंदै आएको आरोपमा मुद्दा चलाइएको थियो । उनीहरुमाथि १० जना सुन ब्यबसायीहरुसंग मिलेमतो गरेर मुल्यांकन भन्दा कम परिमाणमा सुन धितो राख्ने, नक्कली कागज बनाएर बैंकलाई हानी पु¥याउँदै आएको आरोप लगाइएको थियो ।

धितो भन्दा धेरै ऋण दिने आरोप लागेका ३ जना बैंकका कर्मचारी र ऋण लिने १० जना ब्यबसायी सहित १३ जना बिरुद्ध उच्च अदालत नेपालगन्ज वाणिज्य इजलासमा उच्च अदालत सरकारी वकिल कार्यालयले बंैकिङ कसुरको अभियोगमा मुद्दा दायर गरेको थियो । बैंकका सुनजाँचकी ज्योतिका आफन्त नै यस प्रकरणमा ऋण लिनेमा धेरैजना छन् ।

सुन माफियाको गिरोहको मिलोमतोमा यी सबै घटना भएको थियो । बैंकको आन्तरिक लेखा परीक्षणका क्रममा ३ करोड २७ लाख रुपियाँ नोक्सानी खुलासा भएको हो ।

सिटिजन्स बैंकको घटना सेलाउँन नपाउँदै राष्ट्रिय वाणिज्य बैंक, त्रिभुवनचोकको १ करोड १५ लाख ठगी प्रकरण सार्वजनिक भएको छ । यो घटनामा पनि सुनचाँदी व्यवसायी मुख्यरुपमा अभियुक्त थिए । नेपालगन्ज –१३ का सुनचाँदी व्यवसायी रिजवान अहमद जसगढले नक्कली र किर्ते कागजात पेश गरी राष्ट्रिय वाणिज्य बैंकको त्रिभुवनचोक शाखाबाट रु १ करोड २४ लाख ऋण लिएको विषयमा प्रहरीले अनुसन्धान अगाडी बढाएको थियो ।

जसगढले जग्गाको लालपुर्जा, तिरो तिरेको रसिददेखि नक्सापाससम्म किर्ते गरी आफै तयार गरे । त्यसका लागि नेपालगन्ज उपमहानगरपालिकाको लेटरप्याड, हस्ताक्षर, छाप र प्रमुखको हस्ताक्षरसम्म किर्ते गरेका छन् । त्यसैबाट नक्कली धितो बनाएर उनले दुई पटक बैंकबाट ऋण लिएको पाइएको छ । जसगढले २०७६ मंसिर २२ गते ५० लाख र २०७७ जेठ २५ गते ७५ लाख ऋण लिए ।

जसगढले ऋण लिदा पेश गरेको धितो रुजु गर्ने क्रममा नक्कली भएको पाइएको हो । नेपालगन्ज उपमहानगरपालिकाका मेयर धवल शम्सेर राणाका अनुसार, सबैकाम फर्जी भेटिएपछि छानविनका लागि प्रहरीलाई अनुसन्धानका लागि अनुरोध गरेको थियो । प्रहरीले अनुसन्धानबाट नेपालगन्ज उपमहानगरपालिका मात्र होइन मालपोत कार्यालयको कागजात समेत नक्कली खडा गरेको पाइएको छ । मेयर राणाले भने,–‘जे जति प्रमाण आवश्यक पर्छ, त्यो सबै नक्कली खडा गरेको देखियो ।’

प्रहरीका अनुसार, जसगढले बैंकमा धितोका रुपमा चारवटा धितो पेश गरेका थिए । ती मध्ये दुईवठा नक्कली र एउटा क्षेत्रफल बढाएर किर्ते गरेको भेटिएको छ । बचेको एउटा जग्गाको मुल्य जम्मा चार लाखसम्म रहेको देखिन्छ । उनले वाणिज्य बैंक बाहेक अन्य आधा दर्जन बैंकमा कारोवार गर्दै आएको पाइएको छ ।

पहेलो सुनको कालोधन्दाका साना घटनाहरु त्यसै सेलाउँछन् । तस्करी गरेर सीमा वारपार गराइएका सुनचाँदी फेला परेका घटना त छदैछन् त्यसैभित्र हुने ठगी प्रकरणले ठुला अपराधिक घटनालाईसम्म निम्तो दिएका छन् ।