खोज

स्थानिय तह अब अख्तियारको निगरानीमा रहने अख्तिीयार दुरुपयोग अनुसन्धान आयोगको कार्यालय सुर्खेतका प्रमुख रविलाल पन्थले बताएका छन् । मंगलबार कार्यालयले आर्थीक वर्ष २०७४÷७५ मा गरेको काम सार्वजनीक गर्ने उदेश्यले आयोजीत पत्रकार सम्मेलनमा बोल्दै उनले यस्तो बताएका हुन् । उनले भने‘ देश संघिय संरचनामा गएपछि धेरै अधिकार स्थानीय सरकारले पाएको छ । सबैभन्दा तल्लो तह जहां जनताले प्रत्यक्ष लाभ लिन्छन् र राजनितीले पनी स्थानिय तहनै बढि ग्रसीत हुने भएकोले स्थानिय तहमा भ्रष्ट्राचार मौलाउन सक्छ । त्यसैले अब स्थानिय तहमा अख्तियारको बढि निगरानी हुनेछ ।’ उनले थपे ‘ त्यसो त मन्त्रालयका समेत केहि उजुरीहरु परिसकेका छन् । अनुसन्धानकै क्रममा अख्तियार छ । ’ सार्वजनिक पद धारण गरेका र भ्रष्ट्राचार गर्ने जो कसैलाई पनी अख्तियारले नछोड्ने प्रमुख पन्थले बताएका छन् ।
कार्यालयले सार्वजनीक गरेको तथ्याङ्गमा कर्णाली प्रदेशको सबैभन्दा बढि उजुरी पर्ने जिल्ला राजधानी सुर्खेत नै परेको छ । आर्थीक वर्ष २०७४÷७५ मा सुर्खेतका मात्रै १ सय ६४ उजुरी अख्तियार दुरुपयोग अनुसन्धान आयोगमा परेका छन् । ती मध्ये १ सय ४० फछर्यौट भएका छन् भने २४ वटा उजुरी बांकी रहेका छन् । त्यस्तै दैलेख जिल्लामा परेका १ सय ४७ उजुरी मध्ये १ सय २३ फछर्यौट र २४ वटा उजुरी बांकी रहेका छन् । जाजरकोटमा ९७, कालीकोटमा ९५, हुम्लामा ५८, सल्यानमा ४९, रुकुम (पश्चिममा) ४४ वटा, जुम्लामा ३८, मुगुमा ३२, डोल्पामा २२ तथा कर्णाली प्रदेश बाहेकको जिल्ला रुकुम पुर्वमा सबैभन्दा कम ५ वटा उजुरी परेको कार्यालयले तथ्याङ्ग सार्वजनिक गरेको छ ।
सुर्खेतमा प्राप्त उजुरीको प्रकृतीहेर्दा अधिकांश विद्यालय तथा सामाजीक सुरक्षा भत्तामा भ्रष्टाचार भएको पाईएको छ । विद्यालयको भवन गुणस्तर नभएको, छात्रवृत्ति रकममा दुरुपयोग भएको, पाठ्यपुस्तक वितरणमा अनियमितता भएको, विद्यालय कोषको रकम हिनामिना गरेको तथा शिक्षक कर्मचारी नियुक्तिमा अनियमितता भएको जस्ता उजुरी अख्तियारमा परेका छन् ।
त्यस्तै सामाजिक सुरक्षा भत्तामा अनियमितता, उपभोक्ता समिति मार्फत गरेको काम गुणस्तरहिन, स्थानिय तहको आन्तरिक आएको विनियोजन र खर्च अपारदर्शि भएको लगाएतका ,भवन,सडक,औषधी खरीद, नक्कली विल बनाएको जस्ता उजुरी अख्तियार दुरुपयोग अनुसन्धान आयोगमा परेको कार्यालयले जानकारी दिएको छ । कार्यालयले भ्रष्ट्राचारमा संङलग्न रहेका विभिन्न सार्वजनक पद धारण गरेका ६ जना व्यक्तीहरुलाई रंगेहात पक्राउ गरी आवश्यक कार्रवाहि गरेको जानकारी दिएको छ । त्यस्तै ६ वटा विगो अर्थात आरोपपत्र दायरमा १ करोड ९ लाख ४९ हजार ४ सय ९१ रुपैयां, असुल उपर ११ लाख ७३ हजार ९ सय ९१ र रंगेहात पक्राउ परेका बाट ४ लाख १ हजार रुपैयां फेला पारेको जानकारी कार्यालयले दिएको छ ।