खोज

कोभिड–१९ वाट गुल्मी जिल्लामा सङ्क्रमित हुनेहरुको संख्या सोमबारसम्म ५ सय २० पुगेको छ । सङ्क्रमित हुनेहरुमध्य पुरुष ४ सय २३ र महिला ९७ जना रहेको स्वास्थ्य कार्यालय गुल्मीमा प्रमुख डाक्टर भवानी प्रसाद शर्माले जानकारी दिएका छन् ।

जिल्लाको १२ वटा स्थानीय तहहरु मध्यमा सबै भन्दा बढी व्यक्तिहरु सङ्क्रमित हुनेमा गुल्मीदरबार गाउँपालिका रहेको छ । उक्त पालिकामा अहिलेसम्म ७२ जना व्यक्ति सङ्क्रमित बनिसकेका छन् । सङ्क्रमित हुने अन्य पालिकाहरुमा रेसुंगा नगरपालिका ६१, मुसिकोट नगरपालिका ४१, चन्द्रकोट गाउँपालिका ५०, छत्रकोट ४९, सत्यवती ३९, ईस्मा ६५, मदाने २१, मालीका २१, रुरुक्षेत्र ५६, धुर्कोट ४० र कालीगण्डकी गाउँपालिकामा ५ जना   रहेका छन् ।

सङ्क्रमितहरु मध्य हालसम्म ४ सय ५१ जना व्यक्ति निको भएर घर फर्कि सकेका छन् भने अन्य ३६ जना आईसोलेसनमा रहेका छन् । जिल्लाको ९० स्थानमा निर्माण गरिएको अस्थाई क्वारेण्टीनहरु मध्य सोमवारसम्म १ सय ४६ जना व्यक्तिहरु मात्र क्वारेण्टीनमा रहेको स्वास्थ्य कार्यालय गुल्मीले जनाएको छ । क्वारेण्टीनमा रहेकाहरु मध्य १ सय ४ पुरुष र ४२ महिला छन् ।

जिल्लाको मदाने गाउँपालिकामा १, धुर्कोट गाउँपालिकामा १ र छत्रकोट गाउँपालिकामा १ गरि गुल्मी जिल्लामा कोभिड १९ को सङ्क्रमणका कारण ज्यान गुमाउनेहरुको संख्या अहिलेसम्म ३ जना रहेको स्वास्थ्य कार्यालयका प्रमुख डाक्टर शर्माले बताए ।