खोज

सल्यान, ७ साउन । सल्यान कपुरकोट स्थीत खालि डाँडोमा वृक्षारोपण गरिएको छ । सबै वडाहरुमा व्यापक रुपमा वृक्षारोपण गर्ने कपुरकोट गाउँपालिकाको अभियान अन्तर्गत सोमबार विहान कपुरकोट ३ को तारेपहर सामुदायीक वन समूहको खालि जमिनमा एक सय ५० विरुवा रोपिएको हो । आर्थीक महत्व बोकेको चिउरिको विरुवा रोपेर वृक्षारोपण कार्यको उद्घाटन गर्दै कपुरकोट गाउँपालिकाका अध्यक्ष भिम बहादुर सेनले यस नयाँ आर्थीक वर्षको पहिलो दिन बसेको कार्यपालिका बैठकले गाउँपालिकाभरि १० हजार विरुवा रोप्ने निर्णय गरेको जानकारि गराउँदै यो अभियान अरु साउन १५ सम्म हरेक वडामा चल्ने बताए ।
जिल्ला वनस्पति कार्यालय संगको सहकार्यमा वृक्षारोपण अभियान चलाइएको बताउँदै अध्यक्ष सेनले अव छिट्टै वन उपभोक्तालाइ फाइदा पुग्ने गरि वन ऐन ल्याइने बताए । ‘आफ्नै बारिको रुख पनि काटेर सहज रुपमा विक्री गर्न पाउने अवस्था अहिले छैन,’ उनले भने ‘हरेक व्यक्तिलाइ रुख रोप्न प्रेरित गर्ने र रुखबाट बढि भन्दा बढि फाइदा लिन सक्ने किसिमको वन ऐन हाम्रो गाउँपालिकाले ल्याउने छ ।’
कार्यक्रममा गाउापालिकाका उपाध्यक्ष तिला बुढा मगरले मानव जीवनलाई हितकारी बनाउने वृक्षारोपणको कार्य गर्न सम्पूर्ण सरोकारवालाहरु एक जुट हुनुपर्ने र टोल टोलका खाली क्षेत्र, सडक किनारा, पानीका मुहान लगायतका सार्वजनिक क्षेत्रमा वृक्षारोपण गर्नुपर्ने बताइन् । प्रमुख प्रशासकिय अधिकृत सुवाश रिजालले अहिले गरेको वृक्षारोपण कार्यले हाम्रो वातावरणलाई सफा स्वच्छ निर्मल राख्नुका साथै भावि पिंडीका लागी सम्पत्ति बन्ने बताउँदै सामाजिक, आर्थिक र वातावरणीय फाइदाका लागि आआफ्नो समुदायमा विरुवा रोप्ने र हुर्काउने अभियानलाइ व्यापकता दिनुपर्ने बताए ।
कार्यक्रममा वडा नम्बर ३ का अध्यक्ष मिन बहादुर सेन, वडा नम्बर ४ का अध्यक्ष हरिलाल पुन, वडा नम्बर २ का अध्यक्ष मान बहादुर राना, कार्यपालिका तथा वडा सदस्यहरु, गाउँपालिकाका सूचना अधिकारि जीवराज केसी, नेपाल शिक्षक महासंघ सल्यानका अध्यक्ष मधुसुदन गिरी, जिल्ला वनस्पति कार्यालयका हेड फिल्ड असिस्टेन्ट कृष्ण पुन, पत्रकार महासंघ कर्णालि प्रदेशको सदस्य सन्तोष घर्ती, राष्ट्रिय मानव अधिकार प्रतिष्ठानका जित प्रसाद आचार्य, कपुरकोट बजार व्यवस्थापन तथा सरसफाइ समितीका अध्यक्ष रुपक बुढा लगाएतकाको सहभागीता थियो ।