खोज

जनयुद्ध स्मृती राष्ट्रिय संग्रहालयमा निर्मित प्रवेशद्धारको आन्तरिक मामिला तथा कानुनमन्त्री कुलप्रसाद केसीले उद्घाटन गरेका छन । रोल्पाको त्रिवेणी गाउँपालिका ७ तीलामा सोमवार आयोजित कार्यक्रममा मन्त्री केसीले प्रवेशद्धार उद्घाटन गरेका हुन ।

कार्यक्रममा वोल्दै मन्त्री केसीले संग्राहलय परिवर्तनकारी अभियानको प्रतिक भएको वताए । दश वर्ष लामो जनयुद्धमा माओवादी मात्र हैन सर्वसाधारण जनताहरुले समेत मौसमी अन्न, सेल्टर दिएर तथा चिठ्ठी पत्र आदान प्रदान गरेर सहयोग गरेको स्मरण गरे । पछिल्लो परिवर्तनमा लडेको जनमुक्ती सेना र त्यसलाई माया गरेर पाल्ने जनताको साझा तीर्थ स्थलको रुपमा संग्राहलय रहेको मन्त्री केसीको भनाई थियो । आफ्नो पार्टीमा देखिएको विवाद वारे वोल्दै मन्त्री केसीले वाहिर प्रचार गरिए जस्तो विवाद नभएको वताए । कोरोना पछि वेरोजगार रहेका मिडियाहरुलाई रोजगारी दिएका मात्रै हौ मन्त्री केसीले भने । नयाँ आधारमा नयाँ एकता कायम गर्दै विवाद अन्त्य हुने र पार्टी थप मजवुत हुने नेकपाका केन्द्रीय सदस्य समेत रहेका मन्त्री केसीको भनाई थियो ।

कार्यक्रममा प्रदेश नं ५ का प्रदेश सभा सदस्य दीपेन्द्र पुनले जनयुद्ध संग्राहलयको रुपमा मात्रै विकास गर्दा सवै नसमेटिने भएकाले निरंकुश राजतन्त्र अन्त्यको आन्दोलनमा सहभागि सवैको साझा संग्राहलय वनाउनु पर्ने विचार व्यक्त गरे । जनयुद्ध र जनआन्दोलनको साझा उपलव्धीको रुपमा राजतन्त्रको अन्त्य भएकाले यो आन्दोलनमा सहभागि सवैलाई अटाउने गरि संग्राहलयको विकास र विस्तार गर्न जरुरी छ पुनले भने ।

प्रदेश सरकार र संघीय सरकारको रु ९० लाखको लागतमा प्रवेशद्धार, सभाहल र फुड ट्रेल तयार भएको डिभिजन वन कार्यालय रोल्पाका डिभिजनल वन अधिकृत दधिलाल कँडेलले जानकारी दिए । उपभोक्ता समिति मार्फत ४० लाख र टेण्डर मार्फत ५० लाखको काम भएको छ कँडेलले भने । चालु आर्थिक वर्षमा समेत डिपिआर तयारी तथा भ्यूटावर निर्माणका लागी वजेट विनियोजन भएको छ कडेलले भने । संग्राहलयका लागि राज्यवाट आर्थिक वर्ष २०७४/०७५ देखी नियमित रुपमा वजेट विनियोजन भईरहेको छ ।

माओवादी र सरकार वीच भएको वृहत शान्ति संझौता पछि देशमा विभिन्न ७ मुख्य र २१ सहायक गरि देशका विभिन्न २८ स्थानमा शिविर खडा गरि माओवादी लडाकुहरुलाई राखिएको थियो । रोल्पाको दहवनमा मुख्य शिविर रहने गरि तत्कालिन माओवादी लडाकुको ५ नम्वर वटालियन सहायक शिविरको रुपमा तीलामा राखिएको थियो । सामुदायिक वनको ७ हेक्टर जमिन कव्जा गरि सो शिविर स्थापना गरिएको थियो । हालउक्त शिविर व्यवस्थापनका लागि सशस्त्र प्रहरी वलको एक टुकुडीले राखिएको छ ।

शिविर भित्र माओवादी लडाकुले प्रयोग गरेका भवन, सौचालय, वंकर तथा अन्य संरचनाहरु रहेका छन । ती संरचनाको संरक्षण गर्दै युद्ध पर्यटनको विकास गर्ने सोच वमोजिम राष्ट्रिय संग्राहलयको अवधारणा अघि सारिएको स्थानीय अमरवहादुर डाँगीले वताए । यसै वर्ष डिपिआर तयार भएकाले अव वन्ने सवै संरचना सोही वमोजिम हुन्छन् डागीले भने ।