खोज

नेकपाका नेता एवं परराष्ट्र मन्त्री प्रदिप कुमार ज्ञवालीले नेकपा भित्र बिद्रोह आउँछ र पाटि दुर्घटना हुन्छ भनेर कसैले कल्पना गरेको छ भने यी दुवै कुरा गलत सावित हुने बताएका छन् । नेकपाको एकता मुलुकको संविधान, लोकतान्त्रिक प्रणाली, राष्ट्रिय एकता र राष्ट्रियताको लडाई जस्ता धेरै कुरामा जोडिएको हुँदा यसका नेता र कार्यकर्ताहरुको भविष्यसँग मात्र नजोडिएको बताए । यीनै जनादेश पुरागर्न वर्तमान सरकार सक्षम रहेको भन्दै ज्ञवालीले वर्तमान अवस्थामा सरकार परिवर्तन गर्ने कुराको कुनै औचित्य नरहेको दावी गरेका छन् ।

गुल्मीमा कोविड १९ संक्रमण तथा रोगथाम तथा नियन्त्रणका लागि सनिवार सदरमुकाम तम्घासमा रेसुंगा नगरपालिीकालाई पिसिआर मेशिन हस्तान्त्ररण गर्दै परराष्ट्र मन्त्री ज्ञवालीले उक्त कुरा बताएका हुन् । पाटिमा उत्पन्न विवाद प्रति लक्षीत गर्दै मन्त्री ज्ञवालीले भाँडाहरु एक ठाउमा राखेपछि कहिलेकाही बज्छन भन्ने संज्ञा दिंदै पाटिलाई जोगाउनका लागि कोही पनि जिम्मेवारीबोधवाट पन्छिएर दायाँवायाँ लाग्न नमिल्ने उनले तर्क गरे ।

‘नेकपा घरको धुरिखाँबो जस्तो हो, जसरी धुरीखाँबो भाँचियो र कमजोर भयो भने खाँबो मात्र भाँचिदैन, त्यो घरकै अस्तित्व माथि जोखिम पैदाहुन्छ’, ज्ञवालीले भने । उनले नेकपा एकतावद्ध भएर घरभित्रको समस्या समाधान गरि देशको समस्यामा केन्द्रित हुने बताए । अहिलेको लडाई भनेको वेरोजगारी, विदेशवाट फर्किएकाहरुको व्यवस्थापन र नक्सामा समेटिएको भूभागलाई कसरी फर्काउने, देशको अर्थतन्त्रलाई मजबुद बनाउने र जनतालाई कसरी सुखि र संमृद्ध बनाउने भन्ने कुरा नै मुख्य चुनौतीको रुपमार रहेको धारणा व्यक्त गरे ।

स्रोत र साधनका हिसाबले अहिलेसम्म कोभिड बिरुद्धको लडाइँमा राम्रो सफलता मिलेको भन्दै ज्ञवालीले अझै पनि संक्रमण बढ्न सक्ने र खराव स्थितीको सामना गर्न वाँकी रहेकोले त्यसको तयारीमा तीनवटै सरकारका संयन्त्रहरु लाग्नु पर्नेमा जोड दिएका थिए । मन्त्री ज्ञवालीको पहलमा हिमालय एयरलाइन्सले सहयोग गरेको पिसिआर मेसिन हस्तान्तरण गर्न मन्त्री ज्ञवाली सनिवार हेलिकप्टर मार्फत मेसिन लिएर जिल्ला आईपुगेका थिए ।
ज्ञवालीले जिल्ला विपद व्यवस्थापन समिति मार्फत रेसुंङा नगरपालिकाका प्रमुख डिल्लीराज भुसाललाई मेशिन हस्तान्तरण गरेका हुन् । गुल्मीमा पहिलो पटक पिसिआर मेसिन उपलव्ध भएपनि यसको अन्य व्यवस्थापकीय तयारी गर्नु पर्ने भएका कारण जिल्लामा कोरोना परिक्षण गर्न एक महिना समय लाग्ने गुल्मी अस्पतालका डाक्टर उत्तम पाच्यले बताए ।