खोज

अविरल वर्षासँगै आएको बाढी र पहिरोका कारण गुल्मीमा दुई जनाको मृत्यु भएको छ भने अन्य एक जना वेपत्ता बनेका छन् । बिहिवार मध्य रातमा आएको पहिरोमापरि ईस्मा गाउँपालिका १ मल्दीका बषन्त सारुका १८ महिनाका छोरा सुरज सारुको मृत्यु भएको जिल्ला प्रहरी कार्यालय गुल्मीका प्रहरी उपरिक्षक राजेन्द्रसिंङ खड्काले बताएका छन् ।

त्यसैगरि पहिरोमापरि ईस्मा गाउँपालिका १ अन्र्तगत निस्ती ढाँडफाँटकी ७ वर्षकी वालीका अपिच्छा खत्रीको पनि मृत्यु भएको स्थानीय व्यवसायी रिषीराम अर्यालले जानकारी दिएका छन् । पहिरोमा परेर घाईते बनेकी वालीकाकी आमा ईश्वरी खत्रीलाई स्थानीयहरुद्वारा शुक्रबार विहान ६ घण्टापछि जीवितै उद्धार गरिएको थियो ।

जिल्लाको ईस्मा गाउँपालिका १ अन्र्तगत निस्तीको ढाँडफाँटमा बिहिवार मध्य रातमा बस्ती माथिवाट पहिरो खसेको थियो । पहिरो खसेपछि आमासँगै भाग्ने क्रममा वेपत्ता बनेकी वालीकाको शव शुक्रवार बिहान खोला किनारमा मृत अवस्थामा फेला परेको हो ।
पहिरोसँगै निस्ती खोलामा आएको बाढीले अस्थाई होटल समेत बगाएको छ । बाढीले होटल बगाउँदा होटलमा बास बसेका मुसिकोट नगरपालीका २ का भागिरथ घिमिरे सम्पर्क विहिन बनेका छन । पहिरोमा परि मृतक वालीकाका हजुरबुवा वर्ष ६३ का टिका बहादुर खत्री र मृतक वालकका आमा बुवा समेत गंभिर घाईते बनेका छन् ।

बिहिवार राती १२ वजेको समयमा बस्तीदेखि पाँच सय मिटर माथिवाट पहिरो खसेको थियो । पहिरो खसेपछि त्यस क्षेत्रका एकदर्जन भन्दा बढी घरपरिवार विस्थापित बनेको बताईएको छ । पानी परिरहेको कारण अहिले पनि पहिरो खस्ने क्रम रोकिएको छैन । पहिरोले सडक अवरुद्ध बनेका कारण घाईतेहरुको उद्धारमा समस्या परेको स्थानीयहरुले बताएका छन् । घटनाको जानकारी पाएपछि शुक्रबार बिहानै नेपाली सेना, सशस्त्र प्रहरी र नेपाल प्रहरीको टोली अत्यावश्यक सामग्रि सहित घटना स्थलतर्फ जाँदै गरेको गुल्मीका प्रमुख जिल्ला अधिकारी भरतकुमार शर्माले बताए ।