© २०२३
१० मंसिर २०८१, सोमबार
१० मंसिर २०८१, सोमबार
बुटवल,१९ बैसाख । राष्ट्रिय स्वतन्त्र पार्टीका सभापति रवि लामिछानेका गाडी चालक दिलबहादुर थापा शम्भुको उपचारका क्रममा निधन भएको छ । चुनाव प्रचार प्रसारका बेला चितवनमा रहँदा थापा लामिछानेले भाडामा लिएको घरको छतबाट खसेर घाइते भएका थिए ।
उनको उपचारका क्रममा आज मंगलबार दिउँसो १.३५ बजे निधन भएको मेडिसिटी अस्पतालले जनाएको छ ।
सिन्धुपाल्चोकको बाह्रबिसे नगरपालिका–३ घर भएका ३९ वर्षीय शम्भु भन्ने दिलबहादुर थापा वैशाख ४ गते बिहान ४ बजे चितवनमा घरको छतबाट तल भुइँमा खसेको अवस्थामा भेटिएका थिए ।
उनलाई चितवनकै पुरानो मेडिकल कलेजमा उपचार गराए पछि थप उपचारका लागि हेलिकप्टरबाट ललितपुरको मेडिसिटी अस्पतालमा ल्याइएको थियो ।
रास्वपाका महामन्त्री मुकुल ढकालका सवारी चालक कालुराम राजवंशीसँगै राति छतमा सुतेका थापा छतबाट खसेका थिए । उनी कसरी खसे भन्ने बारेमा प्रहरीले अनुसन्धान गरिरहेको छ ।
© २०२३
सर्वाधिकार सुरक्षित
Design & Developed By:
