खोज

प्रतिनिधि सभाका सभामुख कृष्णवहादुर महराले स्थानीय उत्पादन विना आर्थिक विकास र संवृद्धी संभव नभएका वताएका छन । रोल्पाको सुलिचौरमा आयोजित दोश्रो रोल्पा महोत्सव उद्घाटनका क्रममा सभामुख महराले उक्त कुरा वताएका हुन ।
राजनीतिक क्रान्तीको अधिकांश काम पुरा भएको वताउदै अव संविधानले परिकल्पना गरेको समाजवादमा पुग्ने गरि आर्थिक क्रान्तिमा लाग्नु पर्ने सभामुख महराको भनाई थियो । पछिल्लो राजनीतिक परिवर्तनको केन्द्र वनेको रोल्पा अव आर्थिक विकास र संवृद्धीको केन्द्र वन्नु पर्ने सभामुख महराको भनाई थियो । कार्यक्रमका प्रमुख अतिथि समेत रहेका सभामुख महराले आफुले रोल्पालाई कहिल्यै नभुल्ने वताए । रोल्पा विधितायुक्त कला संस्कृतीको संगम भएको वताउदै यसको संरक्षण गर्दै पुस्ताहस्तान्तरणमा समेत जोड दिनु पर्ने विचार व्यक्त गरे । आफ्नै उत्पादन प्रति गर्व गर्नु पर्ने वताउदै रोल्पाको मुख्य उत्पादन मकै, कोदो, जौ लाई थप प्रवद्र्धन र व्यवसायिक वनाउनु पर्ने सभामुख महराको धारणा थियो । रोल्पालीको संवृद्धी रोल्पाको कृषि, पर्यटन, जलश्रोत र उद्योगवाट हुने वताउदै संवृद्धीको खोजीमा भौतारिन नपर्ने सभामुख महराको भनाई थियो ।
कार्यक्रममा उर्जा जलश्रोत तथा सिचाई मन्त्री वर्षमान पुनलेमगरले देशको विकास र संवृद्धीका लागि नीजि क्षेत्र संगको सहकार्य समेत जरुरी रहेको वताए । सरकार र नीजि क्षेत्रको लगानीवाट देशको उर्जा, जलश्रोत, पर्यटन तथा कृषि क्षेत्रको विकास गर्न सकिने वताउदै यस क्षेत्रमा लगानी वढाउन नीजि क्षेत्रलाई आग्रह गरे । रोल्पामा विभिन्न रणनैतिक महत्वका सडकमा साथै अन्य सडक निर्माणको क्रमले तिव्रता पाईरहेको वताउदै अवको केही वर्षभित्र रोल्पा विकासको प्रतिफल देखिने विचार व्यक्त गरे । कार्यक्रमका विशिष्ट अतिथि समेत रहेका मन्त्री पुनले यसै वर्ष रोल्पाको जलजलामा ५ सय जना पर्यटक भित्र्याउने गरि कुराकानी भईरहेको वताए । महत्वपूर्ण पर्यटकीय क्षेत्रको रुपमा रहेको जलजला क्षेत्रको विकास र प्रवद्र्धनका लागी वर्तमान सरकार गम्भिरताका साथ लागेको जानकारी दिए ।
कार्यक्रमका प्रदेश नं ५ का उद्योग पर्यटन वन तथा वातावरण मन्त्री लिला गिरीले रोल्पामा युद्ध संग्राहलय स्थापनाका काम अगाडी वढेको वताए । दश वर्ष लामो युद्धलाई पर्यटन संग जोड्न सके यस क्षेत्रको संवृद्धीमा सघाउन पुग्ने मन्त्री गिरीको भनाई थियो । आर्थिक संवृद्धीको लागी उत्पादन जरुरी रहेको वताउदै शहरवाट सामान वोकर आउने गाडी फर्कदा जडिवुटी, तरकारी जस्ता स्थानीय उत्पादन वोकेर फर्कने वातावरण वनाउनु पर्ने मन्त्री गिरीको भनाई थियो ।
कार्यक्रममा प्रतिनिधि सभा शिक्षा समितिका सभापति जयपुरी घर्तीमगर, नेपाल कम्युनिष्ट पार्टी (नेकपा) का युवा नेता योगेश भट्राई, राष्ट्रिय सभा सदस्य राजकुमार कवर, उद्योग वाणिज्य महासंघका उपाध्यक्ष चन्द्र प्रसाद ढकाल लगायतले शुभकामना दिएका थिए । उद्घाटन कार्यक्रममा पूर्व सभामुख ओनसरी घर्ती, प्रतिनिधि सभा सदस्य योगेश भट्टराई, उमेश श्रेष्ठ, अन्जना विसंखे, सुरेश कुमार राई र ईकवाल मिया को समेत आतिथ्यता रहेको थियो ।
रोल्पा उद्योग वाणिज्य संघको आयोजना रहेको उक्त महोत्सव उद्घाटन कार्यक्रममा महोत्सव मुल आयोजक समितिका संयोजक विश्वकुमार चन्दले अध्यक्षता गरेका थिए । कार्यक्रमको संचालन नेपाल पत्रकार महासंघ रोल्पाका अध्यक्ष महेश न्यौपानेले गरेका थिए । कार्यक्रममा विभिन्न स्थानीय तहले सांस्कृतिक झाँकी समेत प्रदर्शन गरेका थिए । माघ १८ गते उद्घाटन भएको उक्त महोत्सव २४ गते सम्म चल्ने आयोजकले वताएका छन । कार्यक्रम अवधिभर ६० हजार दर्शकले अवलोकन गर्ने अपेक्षा गरिएको उक्त महोत्सववाट २ करोड वढीको कारोवार हुने आयोजकहरुले अपेक्षा गरेका छन ।