खोज

राप्ती राजमार्ग अन्र्तगत दाङ तुलसीपुर उप हानगरपालिका वडा नम्वर ३ राम्रीमा भएको बस दुर्घटनामा परि ज्यान गुमाएका २३ जनाकै सनाखत भएको छ । जिल्ला प्रहरी कार्यालय दाङका अनुसार मृत्यु हुनेहरुमा दाङका ६ जना, जुम्लाका ११ जना, जाजरकोट, बाजुरा, बझाङ, कञ्चनपुर, डोल्पा र रुकुम पूर्बका १÷१ जना रहेका छन् ।
घटना स्थलमा २२ जना र दुर्घटनामा परि गम्भिर घाईते भएका जुम्ला जिल्लाको कन्कासुन्दरी गाँउपालीका ५ बस्ने बर्ष २० को बिरेन्द्र कन्डराको नर्सिङहोम नेपालगन्जमा उपचारको क्रममा शनिवार विहान ८ वजेतिर ज्यान गएपछि ज्यान जानेको संख्या २३ पुगेको हो ।
दुर्घटनामा परि १९ जना पुरुष र ४ जना महिलाको ज्यान गएकोे छ । सनाखत हुनेहरुमा बस चालक घोराही उप महानगरपालिका ३ का २६ बर्षिय मदन खत्री क्षेत्री, सहचालक तुलसीपुर उप महानगरपालिका १८ का २२ बर्षीय गणेश बिक, शिक्षालयका शिक्षक घोराही उप महानगरपालिका १७ का २९ बर्षिय प्रदिप घिमिरे, विद्यार्थीहरु घोराही उप महानगरपालिका १४ घोराहीका १९ बर्षिय विजय घर्ती, बबई गाउँपालिका ५ का २१ बर्षिय कबिता खत्री, दंगीशरण गाउँपालिका १ घर भएका २० बर्षिय सञ्जीत रत्गैयाँ रहेका छन् । त्यस्तै जुम्ला चन्दननाथ नगरपालिका ६ घर भएका १६ बर्षिया कुशुम रावल, सोहि नगरपालिका वडा नम्वर ३ घर भएका १७ बर्षिय हिम्मत बोहरा, सोहि वडाका १८ बर्षका अर्जुन शाही, वडा नम्वर १० घर भएका १८ बर्षीय रुपेश शाही, सोहि वडाकी बिपना खत्री, वडा नम्वर १४ का १७ बर्षीय रितेन्द्र शाही, वडा नम्वर ५ का देवीप्रसाद उपाध्याय, सोहि जिल्लाको हिमा गाउँपालिका ५ घर भएका १७ बर्षिया शैलजा शाही, तिला गाउँपालिका १ का जंगबहादुर बिक, सोहि गाउँपालिका ३ का रमेश उपाध्याय रहेका छन् ।
त्यस्तै शिक्षालयका शिक्षक रुकुम भुमे गाउँपालिका ६ का २८ बर्षिय नरेश वली, डोल्पा जग्दुला ७ निवासी १६ बर्षका गजेन्द्र ऐरी, जाजरकोट भेरीगंगा नगरपालिका ४ घर भएका १७ बर्षका आतिस नेपाली, कन्चनपुर कृष्णपुर नगरपालिका ५ घर भएका १७ बर्षका खेमराज भट्ट, बझाङ जयपृथ्वी नगरपालिका घर भएका १७ बर्षको महेश जोशी, बाजुरा बुढिगंगा १० का लोकेन्द्र रावलको दुर्घटनामा परि ज्यान गएकोे हो । दुर्घटनामा परि घाईते भएका १४ जना मध्ये १२ जनाको थप उपचारका लागी नेपालगन्जबाट काठमाडौ पठाईएको छ भने अन्य दुई जनाको नेपालगंज मेडिकल कलेज र नर्सिङ होममा उपचार भईरहेको जिल्ला प्रहरी कार्यालय दाङले जनाएको छ । घोराही उप महानगरपालिका वडा नम्बर १७ गैरागाउँ स्थित शहिद कृष्णसेन इच्छुक बहुप्राविधिक शिक्षालयका बन बिज्ञान संकायमा अध्ययनरत विद्यार्थी सल्यानको मूलपानीमा रहेको बनस्पती उद्यानको अध्ययन अवलोकन गरेर फर्कने क्रममा शुक्रवार वेलुकी ५ वजेतिर दुर्घटना भएको हो ।
दाङकै नमस्ते राप्ती यातायात प्रालिद्धारा सन्चालित बा ४ ख ९७६६ नम्बरको बस शिक्षालयले भ्रमणका लागी रिर्जभ गरेर लगेको थियो । यसैविच जुम्लाका ६ वटा र डोल्पाको एक वटा शव तुलसीपुरबाट नेपाली सेनाको हेलिकप्टर मार्फत सम्वन्धित जिल्लामा पठाईएको जिल्ला प्रहरी प्रमुख एसपी बेल बहादुर पाण्डेले जानकारी दिएका छन् ।
बझाङ, बाजुरा र जुम्लाको गरी तिन वटा शव बाहेक अन्य शव सवै आफन्तीको जिम्मा लगिसकेको उनले बताए । सिटिईभिटिको आंगिक क्याम्पसको रुपमा स्थापित कृष्णशेन ईच्छुक बहुप्राविधिक शिक्षालयमा विगत २ महिनादेखी कक्षा सञ्चालन हुदै आएको थियो ।