खोज

सरकारले रुपन्देही जिल्लालाई खुल्ला दिशामुक्त जिल्ला घोषणा गरेको छ । तर लुम्बिनीको लुम्विनी सास्कृतीक नगर पालिका– ३ पडरियाका केही घरमा अहिलेसम्म शौचालन बन्न सकेको छैन । पडरिया स्थित भूमिहीन लोपोउन्मुख नटूआ जातिको आठ घरधूरीमा अझै शौचालय बन्न नसकेको ती घर परिवारले बताएका छन ।
स्थानिय राजेन्द्र नटुवाले आफ्नो घरमा शौचालय नभएको बताए । उनले भने– मेरो जग्गा लुम्बिनी बिकास कोषले अधिग्रहण ग¥यो, यहा यसरी बसिराखेका छौ, पैसा छैन, कहाबाट चर्पी बनाउ हजुर ?’
बिद्यालय प्राङ्गणमा झुपडी बनाएर गुजारा गरिरहेका बिपन्न तथा गरीब परिवार खुला रुपमा शौचालय बाध्य भएको उनले बताए । केही दिन अघि नेपालको सुगम जिल्ला मानिएको रुपन्देही जिल्लालाई पुर्ण सरसफाई युक्त जिल्ला घोषणा गरिएको थियो ।
देशभरको जिल्ला मध्ये ६१ औ तथा प्रदेश नं. ५ को ११ औ पूर्ण सरसफाई युक्त जिल्ला घोषणा गरिएको हो । जिल्ला स्वछन्दता समिती रुपन्देही तथा जिल्ला समन्यवय समितीको तथ्यांक बमोजिम रुपन्देहीको शतप्रतिशत घरधूरीमा एकलाख ६३ हजार शौचालय निर्माण गरिसके पछि बुद्धजन्म स्थल लुम्बिनीमा प्रदेश नं. ५ का निर्माण तथा भौतिक योजना मन्त्री बैजनाथ चौधरी मार्फत साबुन पानीले हातधोएर पूर्णसरसफाई युक्त जिल्ला घोषणा गरिएको हो ।
रुपन्देहीलाई खुला दिशामुक्त जिल्ला घोषणा गर्दै मन्त्री चौधरीले रुपन्देही जिल्ला दीर्घकालीन रुपमा पूर्णसरसफाई युक्त बनाउन सम्बन्धित निकायले प्रभावकारी अनुगमन तथा कार्यन्वयन गनुपर्ने बताए ।
उनले बिश्वशान्तिका अग्दूत बुद्धजन्म स्थल रुपन्देही पुर्णसरसफाई युक्त जिल्ला घोषणा भए पछि लुम्बिनी पर्यटन प्रबद्र्धन कार्यमा एवं एक ईटा थपिएको हुदा आर्थिक सम्बृद्धि सँगै जोडेर पुर्णसरसफाई अभियानलाई प्रत्येक घरदैलो सम्म पुरयाउनु पर्ने निर्देश समेत जारी गरे ।
स्थानीय कलासँस्कृति बाजागाँजा सहित आयोजना गरिएको पूर्णसरसफाई घोषणा समारोहमा बिधायक फकरुद्दीन मुसलमान, अष्टभुजापाठक, प्रमुख जिल्ला अधिकारी उदयबहादुर राना, प्रकोप ब्यवस्थापन केन्द्र अध्यक्ष जगन्नाथ कुर्मी, सियारी गाँउपालिका अध्यक्ष अयोध्या प्रसाद चौधरी लगायतले खुलला दिशा मुक्त भएकोकामा खुसि व्यक्त गरेका थिए । सबै घरमा शौचालय नहुदै हतारमा खुल्ला दिशा मुक्त घोषणा गरिएको स्थानियले बताएका छन ।