खोज

पछील्लो समय बन्द रहेको तिनाउ खोलाको गिट्टी, बालुवा, ढुंगा रातीमा चोरी हुने गरेको छ । दिउँसो सुनसान देखिने तिनाउ खोलामा राती ११ बजेपछि भने बालुवा उत्खनन तथा चोरी तस्करी हुने गरेको पाइएको हो ।
मंगलबार राती तिनाउ खोलाबाट ग १ त २२६४ र लु १ त ५२ ९५ नम्बरको ट्याक्टर फेलापरेपछि बालुवा तस्करीको खुलासा भएको हो । दैनिक करिब एक दर्जन ट्याक्टरले राती तिनाउ खोलामा बालुवा लोड गरी लैजाने गरेका छन् । एउटा ट्याक्टरले पटक पटक लैजाने हुँदा लाखौं मुल्यको बालुवा तस्करी भैरहेको आशंका छ । यसरी रातिमा भैरहेको बालुवा तस्करी गर्न तिनाउ खोला किनारमा रहेको रानिगंजको ससस्त्र प्रहरी औद्योगीक सुरक्षा गुल्मले सहयोग गर्ने गरेको स्थानीयले बताए । राती ११ बजेपछि तिनाउमा बालुवा चोरी गर्नेको लाईन हुने गरेको र चोरी गर्न सहयोग गरेबापत ससस्त्र प्रहरीका जनक चौधरीले रकम उठाउने गरेको उनीहरूको आरोप छ । ससस्त्र प्रहरीले चोरी तस्करी रोक्ने भन्दापनी तस्करीहरू सँग मिलेर रकम असुल्ने गरेको एक प्रहरी बताउँछन् । उनका अनुसार ट्याक्टरलाई सेटिङमा राखीएको छ । सहयोग गरेवापत हप्तामा १० हजार सम्म उठाउने गरेको बताइएको छ । चोरीको समयमा ससस्त्र प्रहरीले रुखमा बसेर सुराकी गर्ने गरेको एक प्रहरीको भनाई छ । हामीले सोध्दा लोड भएपछि समाउँला भनेर बसेको भन्ने सम्मको जवाफ आएकाले तस्करीमा ठुलै सेटि· भैरहेको उनको दाबी छ । प्रहरीका अनुसार मंगलबारराती सुचना आएपछी तिनाउ खोलामा पुग्दा केही ट्याक्टरले बालुवा लोड गरीरहेको फेला पारेको भन्दै केही ससस्त्र प्रहरीको टोली रुखमा बसेको समेत फेला पारेको उनले बताए ।
क्याम्प नजीकै यसरी दैनिक चोरी हुँदा समेत कसैलाई कार्वाही नहुनुले प्रमुख चौधरीको संलग्नता प्रष्ट देखीन्छ । यता वडा प्रहरी कार्यालय बुटवलका प्रमुख प्रहरी निरिक्षक हेम केसीले बुटवल उपमहानगरपालिका र तिलोत्तमा नगरपालिका सिमाना डिंगरनगर बाट राती करीब १२ बजेतिर २ बटा ट्याक्टर पक्राउ गरेको बताए । स्थानियले तिनाउ खोलामा दैनिक बालुवा तस्करी भैरहेको छ भन्ने सुचनाको आधारमा पुग्दा २ बटा ट्याक्टर फेला पारेको प्रमुख केसीले बताए । राती भएकाले र केही लाईट बन्द गरेर भाग्न सफल भएको र पक्राउ परेका ट्याक्टरलाई आवश्यक कार्वाहीका लागी पठाईने उनले बताए । यता ससत्र प्रहरी औधोगिक सरक्षा गुल्मका निमित्त प्रमुख कान्छो बस्नेतले घटनाबारे आफूलाई जानकारी नभएको र नियम बिपरीत कसैले काम गरेको भए छानबिन गरी कार्बाहीको लागी पठाउने बताए ।