खोज

बुटवल शहरलाई हर्न निषेध क्षेत्र बनाउन प्रहरीले विशेष अभियान संचालन गरेको छ । ठूला वा साना सवारीले मनपरी हर्न बजाउँदा ध्वनी प्रदूषण भएकाले हर्न निषेध गर्न लागिएको ट्राफिक प्रहरी कार्यालय प्रदेश नं.५ ले जनाएको छ ।
सबै सवारी साधनले हर्न बजाउँदा सहरमा ध्वनी प्रदूषण भएको भन्दै बुटवल उपमहानगर पालीका र प्रदेश नम्बर ५ ट्राफीक प्रहरी कार्यालयको संयुक्त प्रयासमा बुटबल सहरभित्र हर्न निषेध गर्न लागीएको हो ।

सवारी चापसँगै सडक जाम हँुदा सवारी साधनले लगाउने हर्नका कारण मानिसहरूलाई स्वास्थ्यमा थप समस्या हुने भन्दै ट्राफीक प्रहरी कार्यालय बुटवलले बजार क्षेत्रमा हर्न निषेध गर्न सबै संघसंस्थालाई सहयोग गर्न आग्रह गरेको हो । प्रदेश नम्बर ५ ट्राफीक प्रहरी कार्यालय बुटवलले बुटवलको पूर्वमा बेस क्याम्प कारखाना देखि तिनाउ पुल र उत्तरमा गोलपार्क खोला देखि दक्षिणमा राजमार्ग चौराहा देखि भित्र पूर्ण हर्न निषेध गर्ने गरी अगाडी बढीरहेको ट्राफीक प्रहरी कार्यालय प्रदेश नम्बर ५ का प्रमुख प्रहरी उपरीक्षक गणेश चन्दले बताए । हामीले मंसिर १ गतेदेखि कडाइका साथ हर्न निषेध कार्यक्रम अगाडि बढ्ने भन्दै गाडी चाप अधिक छ ।

सडक साँघुरा हँुदै गएका छन त्यसैमा अगाडि पछाडिका ठूला गाडीले हर्न बजाउँदा बजार नै कोलाहल भएजस्तो भएकाले हर्न निषेध गर्न लागिएको प्रमुख चन्दले बताए । हामीले बुटबल उपमहानगर पालीकाका बिभिन्न संघ संस्थाहरूलाई यसमा सहयोग गर्न बुटवललाई अहिले भैरहेको ठूलो आवाजको हर्न निषेध गर्न सबैले सहयोगी भूमिका निर्वाह गर्न सबै सहमत भएको बताए । यता बुटवल उपमहानगरपालिकाका प्रमुख शिबराज सुबेदीले बुटवल सहरलाई सुन्दर र शान्त बनाउने अभियान अन्तर्गत बुटवल सहर भित्र हर्न निषेध सुरु गरिएको बताए । हर्न बजाउँदा बजारमा ध्वनी प्रदूषण भएको भन्दै बुटवल नगरपालिकाले फूटपाथ खाली गराउने र बिभिन्न पोलमा लथालि· रहेका तारहरूले समेत बजारलाई कुरूप र जोखीम बढाएकाले यसलाई समेत हटाउन नगरपालिका लागिपर्ने बताए ।