खोज

कपिलवस्तु सहित देशभर छठ पर्ब हर्ष उल्लासका साथ मनाइएको छ ।  तौलिहवास्थित नगरपालिकाको वडा नम्बर १ जमुवारको चपरतल्ला, चन्द्रौटा, बाणगंगानदीको रामघाट र कृष्णनगर नदी र तालहरूमा अस्ताउँदो सूर्यलाई मंगलबार अर्घ दिई छठ पूजा गरिएको छ । भने बुधवार विहानै विभिन्न नदी तलाउमा गाई उदाउदो सुर्यलाई अर्घ दिएर यो बर्षको छठ लाई विदाई गरिएको छ ।,
गत बर्ष बिभिन्न निकायको सहयोगमा सदरमुकाम तौलिहवाको वडा नम्बर ३ जमुबारखोलामा पुजास्थल बनेपछि छठपुजन गर्ने श्रद्धालुहरूकोे घुइँचो लागेको छ । छठ पुजनका लागी हजारौका संख्यामा श्रद्धालु जम्मा भएका छन् ।
छठ पुजामा सहभागी श्रद्धालुलाई शुभकामना दिन संघिय साँसद बृजेश कुमार गुप्ता, प्रदशेसभा सदस्य रिना बिक, रुन्धावती शर्मा तथा कपिलवस्तु नगरपालिकाकी उपप्रमुख लक्ष्मी गुप्ता जमुवार खोलाको छठघाटमा पुगेका थिए ।
अर्घ दिनु अघि नदि किनारामा पुजा स्थल निमार्ण गरि प्रशोधित सामग्री प्रयोग नभएका प्राकृतिक फलफूल र पकवानहरू पिठो र गुडबाट बन्ने ठकुवा, चामलको पिठो र गुडबाट बन्ने भुसुवा, मैदा र गुडबाट बन्ने खजुरी लगायतका पकवानका साथै उखु, नरिवल, मुला, मेवा, भान्टा, सलिफा, केरा, बेसार तथा रुखै सँगको अदुवा लगायतका सामाग्री र फलफूलको प्रसाद राखी पुजा गरिएको थियो । मंगलबार जिल्लाका बिभिन्न स्थानमा रहेका खोला र तालहरूमा श्रद्धालुले साँझको अस्ताउदो सुर्यलाई अर्घ दिने चलन रहेको छ । त्यसै गरि बिहानको उदाउँदो सुर्यलाई अर्घ दिई छठ पर्व समापन गर्ने प्रचलन रहेको छ । मंगलबार श्रद्धालुले स्नान पश्चात अस्ताउँदो सूर्यलाई अर्घ दिई दिन भर ब्रतमा बसि रात भर भजनकिर्तन गरि जाग्राम बस्ने गर्दछन । पछिल्लो समय छठ पर्व साम्प्रदायिक सदभावको पर्वको बन्न सकेको श्रद्धालुहरू बताउछन । पुर्बि तराईमा धुमधामका साथ मनाईने गरेको छठ पर्वको रौनक कपिलवस्तुमा पनि छाउँदै गएको छ । पहिले पुर्वका जिल्लामा मधेसी महिलाले मात्र मनाउने गरेको यो चाड अहिले सबै समुदायका मानिसले मनाउन थाल्दा साम्प्रदायिक सद्भाव बलियो भएको नगरपालिका ४ की महालक्ष्मी कर्णले बताईन । छठको रौनक अहिले पश्चिम नेपालका तराईको जिल्लामा पुर्ण रूपले छाएको श्रद्धालु बताउँछन । पछिल्लो समय छठ पर्व साम्प्रदायिक सद्भावको पर्वको रूपमा बिकास भएको प्रदेशसभा सदस्य रिना बिकले बताइन् ।
छठमा तराईमा बस्ने मधेसी महिला मात्र नभई पहाडी समुदायका महिलाहरूको पनि उल्लेख्नीय सहभागीता भएपछि पुजा गर्न श्रद्धालुको भिड लाग्नुलाई सबैले सकारात्मक रूपमै लिएका छन । ५० बर्ष अघि सदरमुकाम तौलिहवाका ४÷५ परिवारले मात्र छठ मनाउने भए पनि पछिल्लो ८ बर्ष यता सो संख्या बढेको कपिलवस्तु नगरपालिका १ का सुर्य नारायण कर्णले बताए । छठ पुजाको चाहना र मनोकामना पुरा हुने बिश्वासले छठ पुजाको रौनक बढेको उनको ढम्याई छ । पर्वले सप्रदायिक सदभावलाई थप मजबुत बनाउन महŒवपुर्ण भूमिका खेलेको संघिय साँसद बृजेश कुमार गुप्ताले बताए । “ साक्षात सूर्य नारायणको दर्शन गरि अर्घ दिएर मनाईने छठ पर्वले सबै समुदायमा आत्मियता, भाईचारा साम्प्रदायिक सद्भाव र राष्ट्रियत एकता बलियो बनाउन मद्दत गर्छ” गुप्ताले भने ।