खोज

रूपन्देहीको नहरपुरमा जारी पाचौ माउण्ट स्टार नक आउट फुटबल प्रतियोगितामा डिफेन्डिङ्ग च्याम्पियन चर्च ब्वाईज युनाईटेज विजयी हँुदै अन्तिम चारमा स्थान पक्का गरेको छ । नहरपुर मावि खेलमैदानमा मंगलबार भएको निक्कै प्रतिस्प्रर्धात्मक क्वाटरफाईनल खेलमा देशभक्त युवा क्लब मगरमुढा नवलपरासीलाई ट्राईबेकरमा ४–३ गोल अन्तरले पराजित गर्दै चर्च ब्वाईज युनाईटेड काठमाण्डौ अन्तिम चारमा स्थान पक्का गरेको हो ।
निर्धारित समयमा १–१ गोलको बरारी भएपनि खेल ट्राईबेकर गएको थियो । खेलमा चर्चका गोलकिपर मनोज प्रधानले उत्कृष्ट प्रर्दशन गरे ।
ट्राईबेकरमा चर्चका तर्फबाट वर्षात गुरुङ्ग, अभिषेक लिम्बु, मोहन गुरुङ्ग र भुवन बस्नेतले गोल गरेका थिए । ज्याम्बो शेर्पाको गोल देशभक्तका गोलकिपर बाबु मगरले रोकिदिएका थिए । देशभक्तका सुरज ठकुरी, बिनोद थापा र जनक कार्कीले गोल गरेका थिए । विजय बलान र नबिन महतोको प्रहारलाई चर्चका गोलकिपर मनोज प्रधानले रोकिदिएका थिए । निर्धारित समयको ६१ औ मिनेटमा नबिन महतोले डिफेन्सको कमजोरीको फाईदा उदाउँदै आर्कषक गोल गरेका थिए । तर त्यो अग्रता धेरै बेर टिक्न सकेन खेलको ६८ औ मिनेटमा ज्याम्बो शेर्पाले बराबरी गोल गरे । खेलमा चर्चका मनोज प्रधान म्यान अफ दी म्याचबाट पुरस्कृत भएका थिए । प्रतियोगिताको शसस्त्र प्रहरीको एपीएफ काठमाडौं र गोर्खा ब्यायज बुटवलका बीचमा खेल हुने संयोजक बिनोद गौतम क्षेत्रीले बताए । प्रतियोगितामा उपाधि विजेतालाई नगद २ लाख २५ हजार, कप, मेडल, प्रमाणपत्र तथा उपविजेता टिमलाई नगद १ लाख १५ हजार, कप, मेडल, प्रमाणपत्रबाट पुरस्कृत गरिने उनले बताए । यसैगरि सेमीफाईनल पुग्ने दुई टिमलाई २५–२५ हजार नगदबाट पुरस्कृत गरिने छ । प्रतियोगितामा उपाधिका लागि काठमाडौं, नवलपरासी, मकवानपुर, चितवन, कपिलबस्तुसहित रूपन्देही १६ वटा टिमले भाग लिएका छन् ।