खोज

रुपन्देहीको नहरपुरमा जारी पाँचौ माउण्ट स्टार नक आउट फुटबल प्रतियोगितामा चर्च ब्वायज युनाईटेड काठमाडौं विजयी हँुदै क्वाटरफाईनलमा प्रवेश गरेको छ । माउण्ट स्टार युथ क्लबको आयोजनामा जारी खेलमा एभरेष्ट क्लब चितवनलाई ३–१ गोल अन्तरले विजयी हुँदै गोर्खा ब्वायज क्वाटरफाईनलमा स्थान बनाएको हो । नहरपुर मावि खेलमैदानमा भएको निक्कै प्रतिस्प्रर्धात्मक खेलमा चर्चको जितमा भुवन बस्नेत नायक बने । उनले खेलमा पहिलो ह्याट्रिक समेत पुरा गरेका छन । उनले खेलको २७ औ, ४० औ र ४६ औ मिनेटमा गोल गरेका थिए । यसैगरि खेलको ७६ औ मिनेटमा चर्चका सन्तोष न्यौपाने र ८० औ मिनेटमा ज्यान्वा शेर्पाले गोल थपेका थिए ।
खेलको २३ औ मिनेटमा एभरेष्टका सान्त्वना गोल गरेका थिए । खेलमा चर्चका भुवन बस्नेत म्यान अफ दी म्याचबाट पुरस्कृत भएका थिए । प्रतियोगिताको आज शसस्त्र प्रहरीको एपीएफ काठमाडौ र लोथार डिम एफसी मकवानपुरका बिचमा खेल हुने संयोजक बिनोद गौतम क्षेत्रीले बताए ।
प्रतियोगितामा उपाधि विजेतालाई नगद २ लाख २५ हजार, कप, मेडल, प्रमाणपत्र तथा उपविजेता टिमलाई नगद १ लाख १५ हजार, कप, मेडल, प्रमाणपत्रबाट पुरस्कृत गरिने उनले बताए । यसैगरि सेमीफाईनल पुग्ने दुई टिमलाई २५–२५ हजार नगदबाट पुरस्कृत गरिने छ । प्रतियोगितामा उपाधिका लागि काठमाडांै, नवलपरासी, मकवानपुर, चितवन, कपिलबस्तुसहित रुपन्देही १६ वटा टिमले भाग लिएका छन् ।
à