खोज

चौथौ एभरेष्ट कप जुनियर राष्ट्रिय छात्रा भलिबल प्रतियोगिता हुने भएको छ । शुक्रबार पत्रकार सम्मेलनको आयोजना गरि कार्तिक १५ गतेदेखि प्रतियोगिताको सबै तयारी पुरा भएको विद्यालय ब्यवस्थापन समितिले जनाएको हो । प्रतियोगिताको टिम दर्ता, खेल खेलाउने कोर्टको तयारी पुरा भएको संयोजक अर्जुन घिमिरेले बताए । प्रतियोगितामा उपाधि विजेताले नगद ५० हजार, प्रमाणपत्र, मेडल तथा उपविजेताले नगद २५ हजार, प्रमाणपत्र, मेडल प्राप्त गर्नेछन । यसैगरि प्रतियोगितामा तेस्रो स्थान हासिल गर्ने टिमले नगद १२ हजार, चौथौ स्थान हासिल गर्ने टिमले नगद ५ हजारसहित उत्कृष्ट विद्याका खेलाडीहरुलाई जनही ५ हजारका दरले पुरस्कृत गरिने छ ।
नयाँ खेलाडीहरुलाई अवसर दिने तथा १९ वर्ष मुनिका महिला खेलाडीहरुका बीचमा लिगकप नकआउटको आधारमा प्रतियोगिता आयोजना गरिने उनले बताए ।
प्रतियोगितामा १६ टिमले प्रतिस्प्रर्धा गर्नेछन । प्रतियोगिता एभरेष्ट बोर्डिङ्गको प्राङ्गगढमा आधुनिक म्याटमा पहिलो पटक खेल खेलाईने छ । विद्यालयले हाल ६ जना छात्रा खेलाडीहरुलाई आवासियसहित पूर्ण छात्रवृति प्रदान गरेको छ । पत्रकार सम्मेलनमा बोल्दै विद्यालय ब्यवस्थापन समितिका अध्यक्ष गमप्रसाद रेश्मीले विद्यार्थीहरुको शैक्षिकका साथै शारीरिक मानसिक विकासमा सहयोगी हुने गरि खेल गतिविधिलाई प्राथमिकता दिएको बताए ।
पछिल्लो ४ वर्षदेखि छात्रा भलिबल तथा ६ वर्षदेखि छात्र भलिबल प्रतियोगिता आयोजना गरिदै आएको उनले बताए । कार्यक्रममा बुटवल उपमहानगरपालिका वडा नं. ८ का वडाअध्यक्ष भिम बहादुर श्रेष्ठ, खेलकुद पत्रकार मञ्चका अध्यक्ष सुमन अधिकारी, विद्यालयका वरिष्ठ सहप्राचार्य माधव प्रसाद आर्चायले प्रतियोगिताबाट युवा खेलाडीहरुको प्रतिभा प्रस्फुटन हुने बताए ।