खोज

प्रदेश नम्बर ५ कै ठूलो औद्योगिक क्षेत्र निर्माणको काम बाँकेको नौवस्तामा सुरु हुने भएको छ । त्यसका लागि कार्यालय स्थापना गरी काम सुरु गरिएको छ । मंगलबार बैजनाथ गाउ“पालिका ३ मा औद्योगिक क्षेत्र ब्यवस्थापन लिमिटेडको कार्यालय स्थापना गरिएको छ । औद्योगिक क्षेत्रका लागि ३ सय ३८ बिगाहा छुट्टाइएको छ । औद्योगिक क्षेत्र ब्यवस्थापन लिमिटेडका प्रबन्धक नन्दबहादुर बस्नेतले अन्तर्राष्ट्रियस्तरको औद्योगिक क्षेत्र पा“च वर्षभित्रै निर्माण भइसक्ने बताए । त्यसका लागि तीब्र गतिमा काम अगाडि बढाइने जनाए । सरकारले प्रदेशस्तरीय औद्योगिक क्षेत्र स्थापनाका लागि बैजनाथ गाउ“पालिका ३ नौबास्ताको खाली जग्गा रोजेको हो । त्यसका लागि ८ अर्ब ७ करोड रूपैया“ बजेट अनुमान गरिएको छ । चालु आर्थिक वर्षमा संघीय सरकारले १० र प्रदेश सरकारले ५ करोड गरी १५ करोड बजेट परेको छ । स्थानीय सरकारका रूपमा रहेको गाउ“पालिकाले त्यस क्षेत्रमा रहेका स्थानीयहरूको पुनस्र्थापनाका लागि छुट्टै बजेटको ब्यवस्था गरेको छ ।
औद्योगिक क्षेत्र निर्माण भए कम्तिमा पनि २० हजार बढीले रोजगारी पाउने बिश्वास गरिएको छ । बैजनाथ गाउ“पालिकाका प्रमुख मानबहादुर रुचालले औद्योगिक क्षेत्र स्थापना हुने स्थानमा रहेका बस्तीलाई पुनस्र्थापनाका लागि प्राथमिकतामा रहेको बताए । उनले त्यसका लागि बजेट ब्यवस्थापन गरिसकेको जनाए । नेपाल उद्योग वाणिज्य महासंघका केन्द्रीय सदस्य कृष्णप्रसाद श्रेष्ठले सुबिधा सम्पन्न औद्योगिक क्षेत्र छिटो भन्दा छिटो निर्माण हुनुपर्नेमा जोड दिएका छन् ।
उनले बस्ती स्थानान्तरण र औद्योगिक क्षेत्र निर्माणको कामलाई सँगसँगै अगाडि बढाउन आवश्यक भएको बताए । उनले भने,‘औद्योगिक क्षेत्र निर्माणले यस क्षेत्रको आर्थिक अवस्थामा सुधार ल्याउने छ ।’ २०७९ मा निर्माण सम्पन्न गर्ने लक्ष्य छ । निर्माणको काम सुरु भए लगत्तै विभिन्न व्यवसायीहरू औद्योगिक क्षेत्रमा उद्योग स्थापनाका लागि निबेदन दर्ता गराएका छन् । यो औद्योगिक क्षेत्र निर्माण भएपछि उक्त क्षेत्रमा रोजगारी सिर्जना हुने अपेक्षा गरिएको छ । à