खोज

छाडा पशु ब्यवस्थापन गर्न रामग्राम नगरपालिका वार्ड नं.८ का वडा अध्यक्ष महेन्द्र ठाकुरले आफ्नो प्रयासमा गौशाला सञ्चालन गरेका छन् । शारदा गौशाला तथा पशुपंक्षी संरक्षण संस्था गठन गर्न लगाई बिहीवार विश्व प्राणी दिवसको अवसर पारेर एक कार्यक्रम बीच गौशाला औपचारिक रूपमा उद्घाटन गरिएको हो ।
छाडा गाई गोरुले बजार अस्तब्यस्त बनेको महशुस गरेर गौशाला संचालनमा ल्याएको जनाउँदै ठाकुरले गौशालाले छाडा पशु मात्र नभई गाँउ घरमा पनि वेवारिसे र पाल्न नसकिएका गाई गोरुलाई पनि गौशालामा राखेर संरक्षण गरिने योजना रहेको जनाए ।
गौशाला उदघाटन गर्दै नगरपालिकाका निमित्त प्रमुख समेत रहेकी उपमेयर रम्भा कुवँरले पश्चिम नवलपरासीको कुनै पनि स्थानिय तहमा गौशाला नभएको अवस्थामा अहिले हाम्रो नगरपालिकामा गौशाला सञ्चालन गर्न सक्दा गौरवको कुरा भएको बताईन् । कार्य प्रारम्भ वडा नं.८ बाट भए पनि यसको स्वामित्व अब नगरपालिकाले नै लिएर सञ्चालन ब्यवस्थापनमा सघाउने प्रतिवद्धता समेत जनाएकी थिइन् । बजार भरी छाडा पशुले दुर्घटना निम्त्याउने, शहर बजार फोहर बनाउने, स्थानीयको बाली नाली चरिदिइने जस्ता समस्यालाई समेत यो गौशालाले न्युनिकरण गर्नमा मद्दत पु¥याउने उनको भनाई थियो ।
उद्घाटन समारोहमा कृषि ज्ञान केन्द्र नवलपरासीका प्रमुख राममिलन विश्वकर्माले छाडा पशु छाड्दा समस्या देखिएको तर अहिले तिनै छाडा पशु ब्यवस्थापनका लागि खुलेको गौशालाले ति समस्यालाई अवसरमा बदल्ने योजना ल्याएको उनले औल्याए । छाडा पशु समस्या हुन्, उनले भने, तर तिनै पशुलाई एक स्थानमा यो गौशालामा राखिएपछि त्यसबाट लाभ समेत उठान सकिन्छ । गाई गोरुको मलमुत्र संकलन गरेर त्यसबाट नगद आर्जन गर्न सकिन्छ । गोमुत्र मात्र संगलन गरे औषधीय गुण भएको ति गो मुत्रलाई बालीनालीमा जैविक विषादी र मलमा प्रयोग गर्न सकिन्छ । गो मुत्रलाई पानीमा मिसाएर स्प्रे गरे युरियाको प्रयोग बाली नालीमा गर्न पर्र्दैन् । गोबरलाई गोबर ग्यास प्लान्टमा हालेर बैकल्पिक उर्जामा प्रयोग गर्ने, बचेको गोबरलाइै पनि जैविक मलको रूपमा उपयोग गर्न मिल्छ । वृद्ध हुदै गाई गोरुको मृत्यु पश्चात त्यसलाई एकै स्थानमा ब्यवस्थापन गर्न सके गिद्ध,चिल जस्ता माँसाहारी पंक्षि खाने हुँदा तिनीहरूको पनि संरक्षण हुने हुँदा यसले इकोसिस्टममा सहयोग पु¥याउने उनको भनाई थियो ।
उद्घाटनमा शुभकामना मन्तब्य ब्यतm गर्दै नेपाल रेडक्रस सोसाईटीका जिल्ला संयोजक राजेन्द्र अग्रहरीले गौशाला सञ्चालनमा आउनु जिल्लाकै गौरव भएको बताए । गाई गोरु छाडा छाड्नु अपराध हो,तर तिनीहरूलाई संकलन गर्नु धर्मको कुरा भएको बताउदै उनले अहिले यो गौशाला सञ्चालन गरेर सामाजिक कार्य मात्र नभई धार्मिक कार्य पनि गरिएको जनाए । यसमा स्थानिय तह र स्थानिय बासी मिलेर सञ्चालनमा सहयोग गर्नु पर्ने उनले सुझाव पेश गरेका थिए । कार्यक्रममा वार्ड नं.२ का वार्ड अध्यक्ष चन्द्रिका अग्रहरीले गौशाला वार्ड नं.८ का वार्ड अध्यक्ष ठाकुरले सञ्चालन गर्न शुरु गराए पनि सहयोग सबै वार्ड ले गर्नु पर्ने बताए । यसमा सबै वार्ड अध्यक्षले मिलेर सहयोग गर्ने उनको भनाई थियो । गाई गोरुको संरक्षण गर्नु हाम्रो बाध्यता मात्रै नभई हाम्रो संस्कृति समेत भएकोले यसको संरक्षणमा सबै जुट्नु पर्छ । कार्यक्रममा नेपाल पत्रकार महासंघका पुर्व जिल्ला अध्यक्ष टिकाराम गैरेले गौशाला सञ्चालनमा ल्याएर वार्ड अध्यक्ष र संस्थाले प्रशंसनिय कार्य गरेको बताएका थिए । दुई महिनाको निरन्तर प्रयास र वार्ड अध्यक्ष ठाकुरको लगतशिलताले मात्र गौशाला सञ्चालन गर्न सकिएको सस्थाका उपाध्यक्ष समेत रहेका शम्भु उपाध्यायले बताए । स्थानिय प्रशासनले समेत गौशाला सञ्चालन गर्नका लागि सहयोग गर्न प्रतिवद्धता जनाएको छ, उनले भने, गौशालालाई अब ब्यवस्थित गर्दै नमुना गौशालाको रूपमा चिनाइने छ । झरही नदी किनारमा परासी पशु हाटसंगै जोडिएको उतm गौशालामा पहिलो दिन १० वटा छाडा गाई गोरु पहिलो दिनमै राखियो, उनले भने, बाकी रहेका गाई गोरुलाई संकलन गरि गौशालामा ल्याउछौ । ब्यतिmगत रूपमा पालन गर्दै आएका किसानले समेत यदि आफ्ना गाई गोरु गौशालामा राख्न ल्याएक केही सहयोग शुल्ल लिएर राख्ने छौ । गौशालाले स्थानिय बजार ब्यवस्थापनसंगै रोजगारी समेत सृजना गरेको उनले सुनाए । गौशालामा यदि कसैले नगद,वा खाद्य पदार्थ पराल आदी दानको रूपमा दिन सक्छ, उनले भने, त्यस्ता महानुभावलाई पनि हामी सम्मान गर्ने छौ ।