खोज

अस्पतालमा गुणस्तरिय सेवा प्रदान गर्दै चमत्कारिक सुधार गरेको जिल्लाको पृथ्वी चन्द्र अस्पतालले अगामी बर्षदेखि स्टाफ नर्स र स्वास्थ्य सहायक(एच.ए) को पढाई शुरु गर्ने निर्णय गरेको छ । अस्पताल विकास समितिको आइतवार बसेको बैठकले सो निर्णय गरेको हो ।
अस्पतालको सेवामा गुणस्तर वृद्धिसंगै विशेषज्ञ सेवा प्रदान गर्न शुरु गरेको पृथ्वी चन्द अस्पताल विकास समितिले नवलपरासी जिल्ला भित्रै स्टाफ नर्स र एच.ए को पढाई नहुने हुँदा यस्तो निर्णय गरिएको समितिका अध्यक्ष तथा जिसस प्रमुख शिव शंकर रायले बताए । उनले संस्थागत रूपमा अस्पताल विकास समितिले निर्णय गरेको र निर्णय सहित आवश्यक प्रकृया पुरा गरि सिटिभिइटीसंग सम्बन्धन प्राग्त गर्ने छ । सम्बन्धन लिएर अस्पताल परिसरमै आउँदो बर्ष अध्ययन गराउने लक्ष्य लिएको अध्यक्ष रायले जनाए । उनका अनुसार यहाँ विद्यार्थी बुटवल,भैरहवा र भरतपुर लगायतका विभिन्न स्थानमा अध्ययन गर्न जाने र पछि प्रयोगात्मक अभ्यास(ओजेटी)का लागि यहिँ अस्पतालमा आउने गरेका छन् । त्यसैले अब अस्पतालमै किन ति विषयका पढाई नगर्ने भनि निर्णय गरेका हौ, रायले भने, यस क्षेत्रका बालबालिकालाई बाहिर पढन जान पर्दैन् आफ्नै घरबाट पढन पाउने छन् । अध्यापन गर्नका लागि नयाँ भवन नबनेसम्मका लागि अहिले खारेज भएर गएको जनस्वास्थ्य भवनलाई प्रयोग गरिनेछ ।
अहिले जिल्ला सदरमुकामबाट धेरै कार्यालय खारेज भई सदरमुकाम नै सुनसान देखिने गरेको छ । कम्तीमा जिल्ला अस्पताल जसरी ५१ सैयाको अस्पतालमा स्तरोन्नती भई अहिले विशेषज्ञ सेवा सहित सेवा प्रदान गर्न थालेपछि विरामीको चाँप बढेको छ । भारत देखि पनि विरामी सेवा लिन आउन थालेका छन् । छिमेकी रूपन्देहीबाट पनि उपचारका लागि बिरामी अहिले पृथ्वी चन्द्र अस्पतालमा आउन थालेको अस्पतालले जनाएको छ । ५१ सैयाको अस्पतालको स्वीकृति भएको १ बर्ष अगाडि हो, तर स्वीकृति अनुसारको सैया थप्ने कार्य दुई साता अगाडि मात्र पुरा भएको हो । अस्पतालमा अहिले दैनिक दुई वटा सिजेरियन सेक्सन(सिएस) हुने गरेको छ । त्यसका लागि स्त्री तथा प्रसुती रोग विशेषज्ञ डा.अजेन्द्र यादव सहितको चिकित्सक टोली चौविसै घण्टा अस्पतालमा तैनाथ छ । जस्ले गर्दा एक महिना भित्रै प्रसुती कक्षमा समान्य सुत्केरीको पनि चाँप बढदै गएको अस्पतालका प्रमुख मेडिकल सुपरिटेण्डेन्ट(प्रमेसु) अनन्त कुमार शर्माले बताए । केही दिन भित्रै अस्पतालमा नै हाड रोग विशेषज्ञलाई पनि आवास उपलब्ध गराए पछि हाडसम्बन्धी पनि अप्रेसन हुने हुदा विरामीको चाँप अझ बढेर जाने अस्पतालले जनाएको छ ।
समिति र अस्पताल कर्मचारी सबैको सहमतिमा अस्पतालमा स्टाफ नर्स र स्वास्थ्य सहायकको अध्ययन गर्न सकिने प्रतिवद्धता आएपछि अस्पताल विकास समितिले सञ्चालन गर्ने निर्णय समेत गरेको छ । अनुमतिका लागि अध्यक्ष राय, प्रबन्धक सोम बहादुर (सि.बी) अधिकारी र संघिय समाजबादी फोरम नवलपरासीका अध्यक्ष धरेन्द्र यादव सहितको टोली त्यसको लागि मंगलवार नै स्वास्थ्य मन्त्रालय र सिटीभिईटीमा अनुमतिका लागि जाने प्रमेसु शर्माले बताए । अहिले अस्पतालमा दु्रत गतिमा काम भई रहेको छ, अस्पतालमा अहिले हाड, स्त्री तथा प्रसुती लगायत तिन विशेषज्ञ सहित ९ जना डाक्टरको टिमले काम गरि रहेको छ । आउदो बर्ष देखी अध्ययन पनि हुन सक्यो भने, विशेष डाक्टरहरूले उपचारसंगै अध्यापन पनि गराउने छन् । पढ्नेले अध्ययनसंगै अस्पतालमा प्रयोगात्मक ज्ञान पनि गर्न पाउने हुदा अस्पताल सञ्चालन अझ प्रभावकारी भएर जाने विश्वास प्रमेसु शर्माले ब्यतm गरे । स्थानियमा अहिले अस्पतालको सेवा प्रति सकारात्मक सन्देश गएको छ, स्थानिय बुद्धिजिविहरूले अहिले अस्पताल सञ्चालनमा सहयोग गर्न थालेका छन् ।
विरामीको चाँप अहिले अस्पतालले सञ्चालन गर्दै आएको चौविसै घण्टा फर्मेसी सेवाको तथ्याँकले पनि प्रष्ट हुन्छ । पहिला दैनिक १० देखि १५ हजारको औषधी विक्रि वितरण हुने यो अस्पतालमा एक महिना भित्रै सो विक्रि दर दैनिक ५० हजार भन्दा माथि पुगेको छ । तर दुर्भाग्य सरकारले १५ सैया अस्पताल देखी गाँउका स्वास्थ्य चौकीसम्म निशुल्क औषधीको लागि बजेट पठाउने गरेको छ, तर अस्पतालको स्तरोन्नती पछि यो अस्पतालमा निशुल्क औषधी वितरणको बजेट कटौती भएको गुनासो प्रमेसु शर्माले गरे । अस्पतालमा सरकारले अहिलेसम्म एउटा सवारी साधन पनि उपलब्ध गराएको छैन्, उनले आर्को दुर्भाग्य पुर्ण कुरा सुनाए । अस्पताल विकास समिति र स्थानीय स्तरबाट अहिले अस्पताल सञ्चालनमा पूर्ण सहयोग भइरहे पनि सरकारबाट जुन प्रोत्साहन हुनु पर्ने हो, त्यो हुन नसकेको दुःखेसो पनि उनले गरे । à