खोज

गाउँहरू युवाविहीन हँुदा विकासको गतिविधिमा असर देखिन थालेपछि गाउँमै रोजगारीका अवसर सिर्जना गर्ने भन्दै रोल्पाका स्थानीय सरकारहरूले युवा स्वरोजगार कार्यक्रमको थालनी गरेका छन् ।  व्यवसायिक कृषि तथा पशुपालन मार्फत गाउँघरमै रोजगारीका अवसर सिर्जना गर्नका लागि परिवर्तन गाउँपालिकाले चालु आर्थिक वर्षका लागि ३० लाख बजेट विनियोजन गरेको बताएको छ । विनियोजित बजेटबाट बेरोजगार युवाहरूलाई व्यवसायिक कृषि तथा पशुपालनका लागि सहयोग गरिने गाउँपालिका अध्यक्ष नीमकान्त डाँगीले जानकारी दिए । विदेश जाने मात्रा बढ्दै जाँदा दक्ष जनशक्ति अभाव देखिएकाले उनीहरूलाई लक्षित गरि यस्तो कार्यक्रम ल्याएका हौं अध्यक्ष डाँगीले भने । रोल्पा नगरपालिकाले समेत नगरपालिका युवा स्वरोजगार कोष स्थापना गरेको छ । कोषमा चालु आर्थिक वर्ष ३० लाख विनियोजन गरिएको नगरपालिकाका प्रमखु प्रशासकीय अधिकृत सावित्रा पुनले जानकारी दिइन । कोषमा हरेक वर्ष वजेट थप्दै जाने वताइएको छ । कोषको रकमबाट नगरपालिका भित्रका वेरोजगार युवाहरूलाई स्वरोजगार वनाउन विभिन्न तालिम तथा अन्य सहयोग गरिने वताइएको छ । कृषि तथा गैर कृषि क्षेत्रवाट युवाहरूलाई स्वरोजगार वनाउन कोष परिचालन गरिने वताइएको छ ।
देशभित्र रोजगारीको अवसर नभएको भन्दै रोल्पावाट खाडी मुलुक जाने युवाहरूको संख्या दिनानुदिन वढिरहेको वेला स्थानीय सरकारको यस्तो कदमले युवा जनशक्ति विदेश पलायन समस्या कम हुने अपेक्षा गरिएको छ ।
संघीय, प्रदेश र स्थानीय सरकारहरूवाट सडक निर्माणका लागि आउने वजेट समेत स्काभेटर प्रयोगमा खर्च गर्ने भएकाले घरदैलोमा आएको रोजगारीको अवसरवाट वंचित हुदै आएका युवाहरू वाध्य भएर वैदेशिक रोजगारीमा जाने गरेका छन ।
भारत वाहेक खाडी मुलुकमा जाने रोल्पाली युवा युवतीको संख्या करिव ४५ हजार रहको वताईन्छ । जिल्ला प्रशासन कार्यालय रोल्पावाट साधारण र द्रुत सेवावाट करिव ४९ हजारले राहादानी वनाएको तथ्यांक छ । अदक्ष कामदारको रूपमा विदेशिने उनीहरूको पारिश्रमिक समेत निकै कम हुने गरेको छ । जोखिमपूर्ण काम गर्न बाध्य रोल्पालीहरू मध्ये हरेक वर्ष ठूलो संख्यामा लास वनेर फर्कने गरेका छन ।
विदेश जाने मध्ये अधिकांश २० देखी ३० वर्ष उमेर समूहका रहेको वताईन्छ । सवभन्दा वढि उत्पादनशिल जनशक्ति मानिने यो समूहका युवाहरूको विदेश पलायनले जिल्लाका गाउँघर युवा विहिन हुने मात्रै हैन खेतवारी वाँझिदा भविष्यमा विकराल अवस्था सिर्जना हुन सक्ने जिल्लावासीको चिन्ता रहेको छ