खोज

गुणस्तरीय शिक्षाबीना अरु विकास असम्भव हुने प्यूठान क्षेत्र नम्वर १ का पाँच नम्वर प्रदेशसभा सदस्य हरी रिजालले बताएका छन् । विकसित देशहरुले फड्को मारेको गुणस्तरीय शिक्षाकै उपज रहेको उनले धारणा राखे । मंगलवार माण्डवी मावी नयाँगाउँ प्यूठानको ५९ औँ वार्षिकोत्सव तथा १५ औँ अभिभावक दिवसमा प्रमुख अतिथीको रुपमा बोल्दै रिजालले सामुदायिक विद्यालयको शैक्षिक स्तर उकास्न सवैको सहयोग हुनुपर्ने उल्लेख गरे । ‘राज्यले नीति बनाएर मात्र हुँदैन्’,उनले भने,‘त्यसलाई कार्यन्वयन गर्न सवैको प्रयास आवश्यक पर्छ ।’ शिक्षक, अभिभावक, समुदाय र विद्यार्थीहरुको सामूहिक प्रयासले मात्र शिक्षा क्षेत्रका गलत अभ्यासहरुलाई समाधान गर्न सकिने उनको भनाई छ । उनले मुलुक संघीय संरचनामा गएपछि चुनिएका जनप्रतिनिधीहरुलाई राम्रो काम गर्नतर्फ प्रेरित गर्न सवैले सुझाव दिनसमेत नागरीकहरुलाई आग्रह गरे । पछिल्लो समय स्कुलबाट पढेर घरफर्कदै गर्दा धेरै वालिकाहरु बलात्कृत हुने गरेको खवरले आफूलाई चिन्तित तुल्याएको उनले सुनाए ।

दरवन्दी अभावमा विद्यालय संचालन गर्न समस्या भोगिरहेका ठाउँमा छिट्टै वैज्ञानिक ढंगले दरवन्दी मिलान गरिने माण्डवी गाउँपालिका अध्यक्ष श्रीधर रोकामगरले बताएका छन् । ‘विद्यालयलाई शिक्षक अभाव हुन दिने छैनौँ’,उनले भने,‘धेरै विद्यालयहरु चन्दा संकलन गरेर चलेका छन् । यो दुःखद पक्ष हो ।’ सामुदायिक विद्यालयलाई प्रविधिमैत्री बनाउनका लागि पहिलो चरणमा गाउँपालिकाभित्र रहेका माध्यमिक विद्यालयमा इन्टरनेट र विद्युत्तिय हाजिरी जडान गरिएको उनले बताए । उनले गाउँपालिकामा माण्डवी मावीलाई नमुना विद्यालयको रुपमा अघि बढाएको समेत उल्लेख गरे ।

विद्यालयले वार्षिकोत्सवको अवसरमा असल अभिभावक, पूर्व शिक्षक, व्यवस्थापन समिति, शिक्षक, विद्यार्थी, चन्दादाता, संचारकर्मी लगाएतलाई सम्मान एवं पुरस्कृत गरेको छ । कक्षा १२ सम्म पढाइ भइरहेको यस विद्यालयमा हाल ८ सय ७२ जना विद्यार्थी अध्यनरत रहेको प्रधानाध्यापक मेघराज पौडेलले जानकारी गराए । एक हजार बढी विद्यार्थी पु¥याउने लक्ष्यसहित विद्यालयले प्राविधिक शिक्षातर्फको पठनपाठन समेत संचालन गर्ने प्रक्रियामा विद्यालय रहेको छ । प्रदेश पाँचकै नमुना विद्यालयको रुपमा संचालन गर्नेगरी विद्यालय व्यवस्थापन समिति लागेको अध्यक्ष जितामित्र सुनारले बताए । शिक्षासँग सम्वन्धित २३ वटा अधिकार स्थानीय सरकारमा गएकाले जनप्रतिनिधीहरुले दश जनशक्ति उत्पादन गर्नेखालको शिक्षा नीति ल्याउन शिक्षा विकास तथा सम्वन्य इकाई प्रमुख शिवराज पण्डितले सुझाव दिएका छन् ।