खोज

बुटवल, ४ बैशाख । कालिकानगरस्थित एल डोराडो एवेन्यूले आफनो स्थापनाको तेस्रो वार्षिकोत्सवको अवसरमा तीन दिन विविध कार्यक्रमसहित मनाउने भएको छ । बिहिबार विशेष कार्यक्रमको आयोजना गरी विभिन्न छुट अफर सार्वजनिक गरेको छ । रेष्टुरेन्टमा आउने ग्राहकका लागि १५ प्रतिशत छुट अफरका साथै विभिन्न गिफ्ट ह्याम्पर प्रदान गरिने सञ्चालक तथा अध्यक्ष प्रिन्स सुरोजनजंग मल्लले बताए । स्थापनाको छोटो समयमै हस्पिटालिटीको क्षेत्रमा आफ्नो छुट्टै पहिचान बनाउन सफल भएको दाबी गर्दै उनले गुणस्तरीय सेवा आफ्नो प्राथमिकतामा रहेको उल्लेख गरे ।

मुलुक कोरोना महामारीले आक्रान्त बनिरहेको समयमा स्थापना गरिएको एल डोराडो एवेन्यूले व्यवसायिक रुपमा सफल भएर स्थापित हुन सकेको बताउँदै उनले गुणस्तरीय सेवा दिन सक्ने हो भने मुलुकभित्रै लगानी गरेर फाइदा लिन सकिने वातावरण भएको दाबी गरे । नेपालमा हस्पिटालिटीको क्षेत्रमा प्रसस्त सम्भावना भएको उल्लेख गर्दै बरु विदेशीको दक्ष जनशक्तिलाई यही रोक्नका लाग स्वस्थ प्रतिस्पर्धा आवश्यक रहेको उनले बताए ।

कार्यक्रमको होटल तथा रेष्टुरेन्ट व्यवसायी संघ रुपन्देहीका अध्यक्ष लेखनाथ भण्डारी, संघका महासचिव अर्जुन थापा, टाइगर प्यालेसका एचआर म्यानेजर रोशन खड्का, एल डोराडो एवेन्यूका सल्लाहकार हरि थापा, सञ्चालक तथा निर्देशक उमंग पौडेलले स्वस्थकर परिकार र गुणस्तरिय परिकारमा जोड दिन आग्रह गरे । रेष्टुरेन्टमा करिब ३ दर्जन कर्मचारीहरुले रोजगार प्राप्त गरेका छन् ।

यस क्षेत्रमै फरक पहिचान दाबी गरिएको रेष्टुरेन्टमा नाती पुस्तादेखि बाजेपुस्तासम्म एउटै टेबलमा बसेर खान मिल्नेगरी पारिवारिक वातावरण रहेको सञ्चालकहरुको दाबी छ । स्थापना दिवसको अवसरमा विहिबार कविता वाचन कार्यक्रम आयोजना गर्नुका साथै शुक्रबार र शनिबार विभिन्न म्युजिक व्याण्डहरुको प्रस्तुती रहेको छ ।