खोज

भैरहवा, ०९ चैत ।
सीमा नाकाबाट बढी रहेको चोरी तस्करी नियन्त्रणमा राज्यका निकायहरूको सक्रियता बढ्दै गएपछि तस्करी गर्नेहरू फन्दामा पर्न थालेका छन् । सुरक्षा निकायको आँखा छल्दै त कतै नियमित व्यवस्थापन गर्दै चोरी तस्करी गर्ने ठूला–ठूला तस्करहरूका सामान पक्राउ पर्दा उनीहरूको पछिल्लो समयमा बिल्लीबाठ हुन थालेको छ ।पछिल्लो समय सीमानाकाबाट सामान छिरेपनी माथी आउँदा पक्राउ पर्ने डरका कारण उनीहरूको तस्करी कार्यमा समेत कमी आएको छ । सीमा नाकामा नेपाल प्रहरी, सशस्त्र प्रहरी र राष्ट्रिय अनुसन्धानको सक्रियताका बाबजुत राजस्व अनुसन्धानले चोरी तस्करीका सामान गोदामबाट नै पक्राउ गर्दागर्दै तस्करी कार्यमा कमि आएको छ । अनुसन्धान कार्यालयले तस्करले माल सामान थुपार्ने ठाउँ गोदाम नै जफत गर्ने गर्न थालेपछी तस्करहरू समस्यामा पर्दै गएको सुरक्षा अधिकारीहरू बताउँछन ।
राजस्व अनुसन्धान कार्यालय, बुटवलले गएको एक हप्तामा खाद्य वस्तुहरू तस्करी गरि ओसारपसार गर्ने विरुद्ध आक्रामक कारवाही अघि बढाएको छ ।

तस्करी हुने मुख्य खाद्य वस्तुहरूमा मटर, चिनी, काजु बदाम, गहुँ, तोरी लगायत सामग्रीहरू रहेको उक्त कार्यालयले जनाएको छ । रूपन्देहीका सिमा नाकाबाट मटर तस्करी गरि देशका अन्य शहरहरूमा ओसारपसार गरिरहेको सूचनाका आधारमा राजस्व अनुसन्धान कार्यालयले द्रुत गस्ती परिचालन गरि ५० लाख बढी जरिवाना तिराएको र बाकी अनुसन्धान जारी रहेको राजस्व अनुसन्धान कार्यालय बुटवलका प्रमुख अनुसन्धान अधिकृत बिवेक घिमिरेले बताए ।बुटवल बेलहिया राजमार्गको ठुटिपिपल स्थित एक जना चौधरीको घरमा अबैध चोरी तस्करीका सामाग्री खाद्यान्न गोदाम गरि राखेको सूचना प्राप्त भएपछि खटेको टोलिले दुइजना भारतीय बाइक प्रयोग गरि ओसारपसार गर्दै भण्डारण गरिरहेको अवस्थामा पक्राउ गरि सम्पुर्ण खाद्यवस्तुहरू जफत गरेको छ ।

निजहरूबाट २७ लाख ५० हजार जरिवाना असुल गरि २७ लाख बराबरको खाद्यान्न समेत जफत गरिएको छ । यसैगरी, कार्यालयले बिगत ६ महिनामा १७ सय ५० बोरा भारतबाट अबैध भित्रीएको चिनी बरामद गरि जरिवाना वापद ७० लाख तिराइएको छ भने केही फर्मका साहुहरू भागिरहेको र थप आक्रामक प्रयास गरि जरिवाना असुल उपर गर्नु पर्ने प्रमुख अनुसन्धान अधिकृत घिमिरेले बताए । यसै हप्ता मात्रै १ सय ४५ बोरा चिनी बरामद गरि साधन सहित नियन्त्रणमा राखिएको छ। हाल गहुँ तोरी लगायत बस्तुहरू भन्सार छली ल्याउने र महङ्गो मूल्यमा बिक्री बितरण गर्ने गरिएको सूचना पश्चात कार्यालयबाट नियमित र आकस्मिक गस्ती परिचालन, सुराकी परिचालन र सूचना संकलन गरि कार्वाही अघि बढाइएको र यसलाई निरन्तरता दिने समेत कार्यालय श्रोतले जनाएको छ ।

विभागमार्फत जरिवाना तिराएर वा अदालतमा मुद्दा दायर गरेर कारवाही गरिएको र हालसम्म ८ वटा मुद्दा दर्ता भइ निकट भविष्यमा १० वटा मुद्दा दर्ता हुने चरणमा रहेको कार्यालयले जनाएको छ । राजस्व अनुसन्धान कार्यालय बुटवलकै सक्रियतामा शुक्रबार भैरहवाको एक गोदामबाट सुचनाका आधारमा सुरक्षा टोली सहित विभिन्न सामान पक्राउ गरि राजस्व अनुसन्धान कार्यालयले जफत गरि अनुसन्धान गरिरहेको छ ।