भैरहवा, ९ चैत । विश्वकर्मा युवा समाज रूपन्देहीद्वारा स्वर्णकार सुपर सिक्स क्रीकेट प्रतियोगिता हुने भएको छ । यही चैत ३० गते सिद्धार्थ रंगशाला भैरहवामा स्वर्णकार सुपर सिक्स क्रीकेट प्रतियोगिता हुन लागेको विश्वकर्मा युवा समाजका अध्यक्ष अमित सेन्चुरीले बताए ।
रूपन्देही जिल्ला भरबाट हाल सम्म १२ वटा टिम दर्ता भएको सेन्चुरीले बताउंदै भने, बुटवलबाट ४ वटा, भैरहवाबाट ७, तिलोत्तमा नगरबाट १ वटा समूह रहेको अध्यक्ष सेन्चुरीले बताए । कार्यक्रमका प्रमुख अतिथी सिद्धार्थनगर सुनचाँदी ब्याबसायी संघका सल्लाहकार डम्बरलाल रामदामले बिश्वकर्मा समाजलाई बृहत् बनाउन आग्रह गरे । खेल मार्फत खेलको बिकासमा समाजको योगदानमा ध्यान दिन आग्रह गरे । युवा समाज जगाउने काम यो युवा समाजले गर्ने उनको बिश्वास थियो । २०४८ सालबाट सुरुवात गरिएको यो संस्थाका गतिविधि र क्रियाशिलता अहिले फेरि पुनः सुरुवात गरिएको बताए । भाइचारा सम्बन्धको बिकास होस् भन्ने उद्देश्यले कार्यक्रम गरिएको बताए ।
नेपाल क्रीकेट संघका पूर्व केन्द्रिय सदस्य तथा सिद्धार्थनगर सुनचाँदी ब्याबसायी संघका सल्लाहकार प्रेम कुमार सेन्चुरीले चांदीको सिल दिएर प्रतियोगिता गरेको ईतिहास बताउंदै त्यही अनुरुप स्वर्णकार खेलबाट रास्ट्रियरुपमै खेलाडी उत्पादन भएको बताए । आगामी क्रीकेट खेलका लागि ११ हजार सहयोग गर्ने घोषणा समेत उनले गरे ।
सिद्धार्थनगर सुनचाँदी ब्याबसायी संघका सल्लाहकार श्याम कुमार सुनारले २०४८ साल देखी विभिन्न खेलकुद गतिविधि गरिएको बताए । अहिले क्रीकेटले युवाहरूको मन जितेको बताए ।
सिद्धार्थ क्रीकेट संघका अध्यक्ष एबं सिद्धार्थ उद्योग बाणिज्य संघका उपाध्यक्ष हरि थापाले देशलाई खेलको माध्यमबाट चिनाउन खेलको महत्त्व थप बढ्दै गएको बताए । युवा समाजका उपाध्यक्ष सौरभ रामदामको स्वागत मन्तव्य र कार्यक्रमको सन्चालन सचिब इशान्त रसाइलीले गरेका थिए ।
११ चैत्र २०८१, सोमबार
