खोज

लुम्बिनी ।

लुम्बिनीमा अन्तर्राष्ट्रिय महिला दिवसको अवसरमा पुनः प्रयोग गर्न सकिने प्याड सम्बन्धि प्रशिक्षण कार्यक्रम सप्पन्न भएको छ ।

वल्र्डलिंक सिएसआरको सहकार्यमा लुम्बिनी संस्कृतिक नगरपालिका वडा नं ३ मा पुनः प्रयोग गर्न सकिने प्याड सम्बन्धि ४ दिने प्रशिक्षण कार्यक्रम सम्पन्न भएको हो । प्रशिक्षण कार्यक्रमको नगरपालिका प्रमुख सजरुद्दीन मुसलमान, उपप्रमुख कल्पना हरिजन तथा वल्र्डलिंक सिएसआर अध्यक्ष अनुपा भण्डारीले पानसमा दीपप बालेर उद्धाटन गरेका थिए ।

उद्घाटन कार्यक्रममा बोल्दै नगरप्रमुख सजरूद्दीन मुसलमानले अझै पनि गाउँघरमा महिनावारी भएको बेला लाज डरले गर्दा महिलाहरुले विभिन्न समस्या झेल्नुपरेको बताएका थिए । उनले खास गरि मुस्लिम महिलाहरुले घर परिवार समुदायमा खुलेर बोल्न सक्ने अवस्था नहुँदा अझ बढी समस्या झेल्नु परेको उल्लेख गरे । नगर प्रमुख मुसलमानले आगामी दिनमा महिनावारीसम्बन्धी कार्यक्रम सञ्चालनका लागि प्रत्येक वडामा आठदेखि दश लाखसम्म बजेट विनियोजन गर्ने प्रतिवद्धता जनाएका छन् ।
त्यस्तै नगर उपप्रमुख कल्पना हरिजनले किशोरीहरुले महिनावारीका समयमा हुने पिडा खुलेर आफ्नो परिवारसंग भन्न नसक्दा महिनावारी चक्रका बेला विद्यालय नै छोडेर घर बस्ने गरेको बताइन् ।

मिना महर्जन र सेमिना महर्जनले दिएका चार दिने प्रशिक्षण कार्यक्रममा लुम्बिनी वडा न २ र वडा न ३ गरि २० जना महिला र किशोरीहरुको सहभागिता  थियो ।